गजल

नजिकै छु भन्दा भन्दै

नजिकै छु भन्दा भन्दै पर सर्दै छौ कि
सम्बन्धको खोला काटी सागर तर्दै छौ कि ?

प्रेमको त्यो सगरमाथा चढेको छु भन्दै
थाहै नपाइ बेस क्याम भन्दा तल झर्दै छौ कि ?

तिमीलाई नरित्तिने माया दिन्छु भन्दै
किस्ताबन्दी प्रेमको पो हिसाब गर्दै छौ कि ?

जिन्दगीमा तिमीलाई शितल दिन्छु भन्दै
यो मुटुलाई कठंग्रिने शीत छर्दै छौ कि ?

नजिकै छु भन्दा भन्दै पर सर्दै छौ कि
सम्बन्धको खोला काटी सागर तर्दै छौ कि ?

मनु लोहरुङ राई
संखुवासभा नेपाल
हाल: इजरायल