चैतको मास देऊराली डाँडा बतास हुरुरुरु
सारङ्गीसँगै रेटिन्छ आत्मा मन रुन्छ धुरुरुरु
कसलाई पोखौ मनको बह सुन्दैन कोई पनि
सम्हाल्न खोज्छु, यो दुखी आत्मा बुझ्दैनन उनलेनि
चैतको मास गुराँस फुली ढाकेछ पारी बन
सबैमा छायो ख्शीको बहार रोईरन्छ मेरो मन।।
मनको भारी बिसाउन खोज्छु छैननि चौतारी
आफन्त भन्ने कोई छैन यहाँ हिंड्डैछु भौतारी
त्यो पारी बनमा न्याउली गाउँदा रमाईलो भयो झन
हाँसखेल गर्छन साथी र संगी निराश छ मेरो मन।।
सँगैको साथी स्कुल जान्छन किताबै च्यापेर
म गर्छु सधैं बन र पाखा,घाँस दाउरा बोकेर
चैतको मास देऊराली डाँडा बतास हुरुरुरु
सारङ्गीसँगै रेटिन्छ आत्मा मन रुन्छ धुरुरुरु।।
मनिषा पाख्रीन
साङपाङ-७, भोजपुर
"नखाऊ हरेस ठुलोछ संसार एउटा त आउलानी
ReplyDeleteभरपुर जवानी त्यो खाली सिउदो बहार ल्याउलानी
बिसाउनु त्यहि सम्पूर्ण भारी हलुका पर्नु मन
शुभ कामना मेरो इश्वरले दिउन तन र मन, धन"
मनिषा जी
गीत सहित लय पनि राम्रो लाग्यो अरु पनि रचना पढ्ने मौका दिनुहोला
विमल गौतम
साउदी अरेबिया
मिठो गित सुनेर मलाई दुख्यो हृदय झन।
ReplyDeleteकती कमलो हुदो रहेछ भोजपुरे सबको मन।।
बर्षा हुन्छ शिसीर हुन्छ खडेली हुदै फेरीन्छ
पर्खी राख कुनै दिन हरीयाली होला बन।।
बदाई छ मनीषा जी सारै मिठो गितको लागी
बिमल जी संग संगै मलाई पनी पदने मौका दिनुहोला...