गजल

जिन्दगीमा मैले पनि धेरै कुरा पाएँ
बिस्वास गरी धर्मकर्म देऊरालीमा धाएँ।

अनयास आज मलाई, तिमीले भुलीगयौ
कसको आँखा लाग्यो बरै मैले धोका खाएँ।

निर्दयी भै तिरस्कारको चुलेसीले रेट्यौ
लागे रैछ तिमी सँग ब्यर्थै माया लाएँ।

आफै खायौ कसम, अनि बाचा तोडीदियौ
कुन दशाले दोर्यारएर तिम्रो दिलमा छाएँ।

सबै मिली मलाई भन्छन, केभो अभिलाषी?
सम्झनामा तडपिएर तिम्रै गितहरु गाएँ।

ज्ञानु याङ्फु "अभिलाषी"
भेडेटार-५ याङ्फुबस्ती, धनकुटा।