गजल

तिमीलाई भेट्न आउँदा,,,,

बल्ल बल्ल टुसाएको प्रेम गोब्रे च्याउ भयो
मलाई तिते करेली तिमीलाई स्याउ भयो।

तिमीलाई भेट्न आउँदा भोटे कुकुर भुक्यो
तिम्रो बाउले लखेट्दा चाँहीं साह्रै झ्याउ भयो।

तिम्रै दाईको इखले पप गायक बनेको
गितार समाई चिच्याउँदा त म्याउ भयो।

टुलेसँग पिरती गाँसी अन्तै पोइला जाने
मेरो मायाले अघाएर तिमीलाई ढ्याउ भयो।

चार छोराको बाउसँग पोइला गाकी थियौ
सौताले लखेट्दा चाँही मलाई याहु भयो।

रमेश थापा "ठुले"

तोपगाछी-६ झापा
मेची नेपाल