कुसंस्कारको जरा काटी कैले रमाउने होला
ठेला उठ्या हातले कलम कहिले समाउने होला।
साँझ बिहान चुलो-चौका दु:ख कैले टरेन है
कति गर्नु घरको धन्दा, स्कुल कहिले धाउने होला।
धेरै हाँसो लुकाएर थोरै हांस्नुपर्छ भन्छन
यो लोकमा खित्का छाडी हाँसो कैले छाउने होला।
दायाँ काँडा, बायाँ काँडा जताततै काँडै काँडा
काँडेतार छिचोलेर मुक्ति कैले पाउने होला।
बिमला केयरलेस
खोटाङ
खोटाङ्गेको रुपै राम्रो भोज्पुरेको मायाँ
ReplyDeleteत्यही जालमा पर्यौ क्यारे सोध दायाँबायाँ
जदौ बिमला जी तपाईको यो रचनाल् धरै नै शिक्षाप्रद छ अरुपनि यसरीनै पढ्न पाउँ धन्यबाद।
वाह! वाह!! साह्रै सकारात्मक भावको गजल! सपना देख्न जान्नुपर्छ, एकदिन अवश्य त्यो सपना साकार हुन्छ।
ReplyDeleteअरु पनि रचनाहरु पढ्ने पाउने आशा छ।