geet gajal

गजल

साँझ थियो, तिमी थियौ, हल्का हल्का मात थियो
जुनेलिको उज्यालोमा, जवानीको बात थियो

लोलएथे तिम्रा नजर , मदहोश थिए लालीअधर
मेरो शिरको शिरानीमा, तिम्रै कोमल हात थियो ।

संसार धेरै रमाईलो छ, बाँच्न जान्ने मनहरुलाई
तिम्रो हार्दिक समर्पण नै, मेरा लागि सौगात थियो ।

एकातिर कलकलाउँदो, सलसलाउँदो तिम्रो यौबन
अर्कातिर मगमगाउँदो, छेउमा पारीजात थियो ।

सुस्त सुस्त छेकियो जुन्, सुस्ताउन थाल्याउ तिमी
हामीसँग थकित-थकित बाँकी एउटा रात थियो ।

प्रकट पंगेनी
कास्की, पोखरा

1 comment:

  1. पेजनी जि,
    राम्रो गजलको लागि धन्यवाद,
    आगामी दिनमा अझ उत्क्रिस्ठ गजल पढ्नु पाइयोस, प्रगतिको लागि हार्दिक शुभकामना छ।
    शुभचिन्तक
    दुर्गा

    ReplyDelete

कमेन्ट मोडेरशन प्रकृयामा रखिएको छ तपाईंको कमेन्ट प्रकाशन हुन केही समय लाग्ने छ। र कमेन्ट दोहोर्‍याउन जरुरी छैन धन्यवाद र प्रतिक्रिया दिंदा जहीले सभ्य भएर दिनुहोला। - (भोजपुरे एडमिन परिवार)