गजल

" मेरी हजुर ...................!!!"

लाख बिन्ती बिसाउँछु नरिसाइदेऊ मेरी हजुर,
अमृतमा ब्यर्थै बिष नमिसाइदेऊ मेरी हजुर।

भूल गरेछु माफ माग्छु,कान समाती उठ्-बस् गर्छु,
आगो लगाई यो मुटुलाई नजलाइदेऊ मेरी हजुर।

साना-तिना गल्तीहरु सम्झौताले छोप्नु पर्छ,
फराकिलो त्यो मनलाई नखुम्चाईदेउ मेरी हजुर।

ठूलो होइन,असल मान्छे हुने कोशीस गर्नु पर्छ,
निर्दोष आत्मा मर्छ जहर नपिलाइदेऊ मेरी हजुर।

चोखो माया मिस्सिएको कत्ति मधुर नाता थियो
न्यानो हाम्रो सम्बन्धलाई नचिसाइदेऊ मेरी हजुर !!!

-गणेश खड्का " प्रतिक्षा "
तिवारी भञ्ज्याङ्ग -४, भोजपुर
Now: Fregate Island Private Victoria, Seychelles
Cell - 00248 797358
E-mail : ganeshkhadka2033@yahoo.com
Email : matribhoomi_rangamanch@yahoo.com