गजल

त्यो दोबाटोमा मेरो दाजुको बेवारीसे लाश छ,

दाजु भन्नु पाइनँ मैले रुनु पनि ठुलो त्रास छ!

नजानु है बटुवा भाई अशान्तीको भींडतिर,
त्यो भींडमा दाजुभाई मारी खेल्ने तास छ !

चुरापोते टुक्रीयो भाउजुको, काख रित्तियो आमाको,
अन्धकार र अधुरो बिधुवाको जीवन निराश छ !

जमिन्दारको ब्लात्कारले लखेटिइन बिधवा भाउजु,
आजकाल सडकको चिसो पेटीमा आमाको बास छ!

सपनीमा देख्छु रोइरहेको लुम्बिनिको बुद्व,
साँच्चै यो नेपालमा अशान्तीको मात्रै आभास छ!

सनम वीरही किराँत
बास्तिम्-२, भोजपुर