गजल

अलिकति आँशु छ, रित्याएर लैजाऊ
मेरा सारा खुशीहरु, सिध्याएर लैजाऊ ।

मेरो भोक तिर्खा मेरो निद्रा लागिदेऊ
सक्ने भए मन मुटु उठाएर लैजाऊ ।।

बोझ यतै थपिदेऊ, थेग्ने म छँदैछु नि
तिम्लाई मिल्ने चीजहरु मिलाएर लैजाऊ ।।।

मेरो दिलमा छेकबार छैन तिम्रो लागि
दिलको कुना कुनासम्म आएर लैजाऊ ।।।।

मेरो सबै सके पछि तिम्रो याद पनि लैजाऊ
बाँकी मेरो इज्जत यो लुटाएर लैजाऊ ।।।।।

प्रकाश चन्चल्,
बाजुङ्ग्-२ छहरेखोला, पर्बत