गजल

प्रकृतिमा सौन्दर्य थप्ने धर्तीको गहना हो नारी
सुन्दर संसारको परिकल्पना गर्ने लहना हो नारी

हराभरा भै फाँटफाँट र गरागरामा फूल्ने मधुमास
बनी मुर्झाएको फूलमा बसन्त भर्ने चाहाना हो नारी

धर्ती भएर सब सहन्छे नारी कोखमा ममता उम्रार्दै
उजाडिएको बस्तिमा खुशियाली भर्ने बाहाना हो नारी

थाँकेको बटुवालाई चौंतारी भएर छहारी दिने उ
आँफू मझ्धारमै डुबेपनी अरुको सपना हो नारी

बन्द सोकेसभित्र चुपचाप मृत्‍यु कुरेका ति पल
देखौटी मुस्कान र अन्नत मनको बिपना हो नारी

गीता थापा (दोषी)

बेलबारी मोरङ
हाल-ईजरायल