गजल

तिमीहरु

संविधान लेख्न किन डराउदैछौं तिमीहरु
स्वार्थमा फसेर देश हराउदैछौ तिमहिरु

साम्प्रादायिक द्धन्दको कुटिल नारा लगाउदै
राष्ट्रियताको खिलाफमा कराउदैछौ तिमीहरु

गरिब निर्धा भोकै भोकै मरेका छन् यहाँ
अफसोच धनि कै भकारी भराउदैछौ तिमीहरु

दिनहुको नेपाल बन्द आगजानी तोड फेड
देशलाई झनै गरीबीमा झराउदैछौ तिमीहरु

भित्र भित्रै देश कंगाल पारी देशको सम्पती
समुन्द्र पारी राता रात तराउदैछौ तिमीहरु

स्वाधिनता र सार्वभौम माथि अरुको हस्तक्षेप
धेरै लाचार नालायक झै गराउदैछौ तिमीहरु

खगेन्द्र खिलाफी
पाख्रीबास धनकुटा
हाल : दोहा कतार