गजल

छातीभित्र तिम्रो तस्बिर

छातीभित्र मैले तिम्रो तस्बिर टाँसेको छु
तिमीसँगै भावनाको नाता गाँसेको छु।

यता आगो उता पानी बिच धारमा म
भित्रभित्रै रोए पनि बाहिर हाँसेको छु।

तिमीबिना कति साह्रो अद्याँरो यो संसार
मर्दै-मर्दै भए पनि अझै बाँचेको छु।

दिनदशाले पछ्यान छाडेन यो जिन्दगीलाई
उसैसँग ताल मिलाएर मारुनी पो नाचेको छु।

कति पिएँ अश्रुप्याला, पिउँदै छु अझै पनि
अहिलेसम्म तिम्रै लागी चोखो माया साँचेको छु।

शशी लुमुम्बु
काठमाडौ नेपाल
इमेल : shataabdee@yahoo.com