साह्रै साह्रै बदनाम रैछ...........!
हेर्दा हेर्दै अस्ताउने घाम रैछ जिन्दगानी,
मृत्यु चुम्न पर्खि बस्दा लाम रैछ जिन्दगानी।
च्याती हेरें, खोली हेरें केही छैन जिन्दगीमा,
बिना चिट्ठी बेवारीसे खाम रैछ जिन्दगानी ।
बाध्यतामा अङ्ग बेची अनुहारमा रङ भर्छन,
कोठीमा त साह्रै साह्रै बदनाम रैछ जिन्दगानी।
बाँचुञ्जेल सबैसँग आफ्नो दुखा आफ्नै ब्यथा,
दुखा ब्यथा दर्शन गर्ने धाम रैछ जिन्दगानी ।
दुखा छैन ब्यथा छैन मुटु पोल्ने कथा छैन,
घाटमा त मृत्युसँग आरम रैछ जिन्दगानी ।
सुन्दर "कुरुप"
चुलाचुली, ईलाम
Subscribe to:
Post Comments (Atom)
jindagi ko bare maa yati dherai ?? yo kurupa jee thaks a lots sachai tapai le bhane jastai ho jindagi.
ReplyDelete-Ramesh Dangol