गजल

धेरै थरीभित्र हाम्रो एकै मुटु गाँसौं साथी
रगतको रंग उही समानता बाँचौ साथी

गर्रा नाच, चुड्का,घाटु, रोईलाको भाका हाम्रै
बिनायोको धुनसंगै,शिली-पालम् नाचौं साथी...

मारुनीको नाच अनि संगिनीका भाकाहरु
हराएछन् राग यिन्को, आऊ खोजी राखौं साथी

संगीतका साधन ती बाजा,ढोल ज्याम्टा,सनै
फालिएर जान लागे, हामी मिली साँचौं साथी

बहु-जाती,भाषा, धर्म, संस्कृतिका धनी हामी
देउडा गाउँदै मेची काली सबै हाँसौं साथी

मनु लोहोरुङ
संखुवासभा नेपाल
हाल: न्युयोर्क अमेरिका