गजल

तनको घाउ सबै देख्छन्, मनको घाउ देख्ने को छ?
नुन छर्ने त धेरै होलान, यो घाउलाई सेक्ने को छ?

आखिर अधुरो हुने नै भयो संसारको सपना पनि
कलमवीर धेरै होलान्, मेरो कथा लेख्ने को छ?

सुकेको तन दुखेको मन मुस्कान त यो बाध्यता हो,
सबै खोज्छन हरियाली उजाडमा टेक्ने को छ?

निराशताको जिन्दगीमा काँढा बन्छन फूलपनि,
पिंडा अनि चित्कारको, हुरी बतास छेक्ने को छ?

हृदयमा कालरात्री छायो अधुरै भो क्षितिज मेरो
शान्त्वनाको किरण मनमा भन अब फेक्ने को छ?

झलक कुमार रोकाया
धनगढी-१२, जुगेडा, कैलाली