Bhojpure Geet and Gazal

गजल

2011-10-31T20:29:00.000-07:00

॥१॥
सपनी भै तुटे आज ती तिम्रा-मेरा साथहरु
अध्यारो भै ढले आज ती पूर्णीमाका रातहरु

हात मागेउसाथ मागेरआखिरीमा बचन तोड्यौ
कति कठोर हुदा रैछन निष्ठुरी बातहरु

अन्तै नाता जोड्न रैछ अर्केको हात थाप्नु रैछ
नमागेकै भए हुन्थ्यो ती छुटाई लाने हातहरु

आधा मुटु टुक्राएर आधा जीवन बाच्दैछु
साथ छोडेउ टाढा भएउ हानी गएउ लातहरु

विना मेरो साथ पनि सुखी हुनु सधै तिमी
मलाई दिएउ ठिकैछ उनलाई नदेउ घातहरु

॥२॥

अग्रगामी विचारको बाटो सम्झीएर
फर्की आउ आफ्नै ठाँउ माटो सम्झीएर

न छ विकास न त निकास अझै भ्रष्टाचार
हेपिरा छन् गरीवलाई लाटो सम्झीएर

पटक-पटक धरहराको स्वाभिमान ढल्दा
कति रोए पुरानो त्यो खाटो सम्झीएर

आज पनि नेपाल आमा रोइरैछीन् त्यसैगरी
निरङ्कुश प्रतिगामी फाटो सम्झीएर

एक मार्छन् सय हुन्छन् सय मार्छन हजार
उदाइ रहन्छन् रगतको टाटो सम्झीएर

॥३॥
विधिले घात गर् यो र रोए
नियतीले खुशी हर् यो र रोए

बतासको त्यो एकै झोंकामा
सिउँदोको फुल झर् यो र रोए

डुवाएर आज माझधारसा एक्लै
डुंगा र माझी तर् यो र रोए

न बाँच्न सके न त मर्न नै
मुटुमा शूल पर् यो र रोए

त्यस्तो बज्रपात अरु सव के हुन्थ्यो
मर्नेको देवता मर् यौ र रोए

रजनी राई
गोगने-९ भोजपुर
एम.एड. प्रथम वर्ष सुकुना

गीत

2011-08-15T23:41:00.000-07:00

तिमी जस्तै जवानीमा फुल्न सकिनँ
तिमीले जस्तै गरी मैले भुल्न सकिनँ

भोक लाग्दा भोजन बनेँ प्यास लाग्दा पानी
लाग्थ्यो मलाई सँगसँगै बिताउँ जीन्दगानी
भवँरा झैं तिमीमाथि डुल्न सकिनँ
तिमीले जस्तै गरी मैले भुल्न सकिनँ

सुम्पिदिउँला लाली जोवान भन्थे तिम्रै हातमा
रमीरहुँ जस्तो लाग्थ्यो मलाई तिम्रो साथमा
कठोर रहेछ तिम्रो मन खोल्न सकिनँ
घर न घाटको भयो जीवन बोल्न सकिनँ

तिमीसँग खुशी साट्दै आँसु पनि सँगै पिउँला
लाग्थ्यो मलाई जवानीका बैंश पोखिदिउँला
तिमीले दिएको मायाभित्र घुम्न सकिनँ
तिम्रा ति बैंशहरुलाई चुम्न सकिनँ

सुमन वैरागी
हर्मी-९ गोर्खा
suman788@gmail.com

गजल

2011-08-15T23:04:00.000-07:00

एकोहोरो गाउं५ू म हराएका ५न चेतहरु ।
रित्ता लाग्५न आज किन आफ्नै मनका खेतहरु ॥

खै १ के भनौ तिमीलाई म कसरी ८ूबे गहिराईमा ।
अल्झिएर लहरा बीच कता ५लिए जीवनका भेलहरु ॥

उदास आंखा सूस्त पाईला किन सोध्५्यौ तिमी मलाई ।
बदलिएका ५न त्यस दिन देखि मेरा सारा जेलहरु ॥

सोध्नलाई तिमी संग प्रश्नहरु ५ैनन होला ।
अरु गा९ा बनेका ५न जिन्दगिका भेलहरु ॥

तिम्रो भनौ या मेरो भनौ जिन्दगिका चाहनाहरु ।
भो १ नसम्झौ अब ५ैनन आधीमय नेलहरु ॥

किरण न्यौपाने
गोगने द्ध भोजपुर
हालः बिरा६नगर उपमहानगरपालिका व८ा नं। ज्ञ पूष्पलाल चौक

{Please while you are typing make sure Thank you bhojpure blog team....}

गीत

2010-08-22T18:19:00.000-07:00

दिनमा सधैं मनमा पिर रातमा सधैं आशु
जलन हुन्छ भित्र भित्रै कसरी म यहाँ हासु

खाटा बस्ला जस्तो छैन बेहोसिमा दुख्ने घाऊ
जीबन ढल्यो मझेरिमा अधेरिछ कहाँ जाउ
अचेल मलाई एकान्तमा बगिरहन्छ आशु
जलन हुन्छ भित्र भित्रै कसरी म यहाँ हासु

रातपनि कति लामो दिनझै भईदिए हुन्थ्यो
छाती भित्र छटपटाउने तनाब यो गैदिए हुन्थ्यो
मडारिदै कोल्टे फेर्छु झरी रहन्छ सधैं आशु
जलन हुन्छ भित्र भित्रै कसरी म यहाँ हासु

बिमल गिरी
Belgium.

गजल

2010-06-02T21:22:00.000-07:00

आज त्यसै हास्ने ,,,,,,!

आज त्यसै हास्ने मन पनि हराएर जान्छ
विश्वास घाती मान्छे संग डराएर जान्छ ।१।

नछोडौ त भन्दै थिए छापचिनोनिसानी
ऊनी सामु फेरी आउदाँ मन पराएर जान्छ ।२।

मुख खोली भन्छु शब्दहरु कराएर जान्छ
अन्यासै भित्री वाक्यहरु सराएर जान्छ ।३।

मिठोगीत पि्रतले पनि हि पप भरे पछि
गाँऊ शहर वेसी सवै फराएर जान्छ ।४।

सुर्य बिक्रम याक्खा
मोरङ, कोशी, नेपाल
हाल : साउदी अरेबिया
Email:surya_bikram@yahoo.com

गजल

2010-06-02T21:05:00.000-07:00

अभाब भोकमारी .....
अभाब भोकमारी ज्यादै बडेको छ अहीले/
नेतालाई भयानक भुत चडेको छ अहीले/

सुन्दर समुन्त देश बनाउनु त कहाँ हो
कुर्सी कै लागि नेताहरु लडेको छ अहीले/

साँच्चै जोखीम धरासायीमा देशको अस्तित्व
टल पल टल पल झै अडेको छ अहीले /

गरीब निर्धा होचा साना दबेका छन यहाँ
गर्ब साथ धनी कै शिर ढडेको छ अहिले/

देशको लागि शहिदले गरेको बलिदान
निरर्थक भइ माटोमा सडेको छ अहीले/ /

खगेन्द्र खिलाफी
पाख्रिबास धनकुटा
Now: Doha, Qatar

गजल

2010-06-02T20:41:00.000-07:00

म पत्थरमा‏......!

म पत्थरमा पनि,देवतानै देख्ने मान्छे।
म कर्मबिर बनि,इतिहास लेख्ने मान्छे।।

वैरीको सामुमा झुकाउँदिन आफ्नो शिर,
म एकता बलले, शत्रुता मेट्ने मान्छे।।

सबै हुँदा खुशी, जहाँ विश्वाशलाई भेट्छु,
म अन्यायको बिरुद्द, घाँटी रेट्ने मान्छे।।

डराउदिन कहिल्यै नि, दुख कस्ट देखि,
म दुखैमा जीवन,भोगाइ भेट्ने मान्छे।।

गीता थापा (दोषी)
हाल इजरायल
रचना-अप्रिल १६/२०१०/

गजल

2010-05-27T23:09:00.000-07:00

तिम्रो बाटो हेरे कान्छा

अंजुलिमा फुल बोकी तिम्रो बाटो हेरे कान्छा /
आउदै छौ कि भनि मैले बटुवालाइ केरे कान्छा/,

धेरै बसे पर्खाइमा स्वागतको माला बोकी,
आए पछी जे जे भन्यौ सबै मैले टेरे कान्छा,/

समिपमा बोलाएर युगल अधर टसाउदै,
छोडी नजाउ भन्दै तिमीलाई अंगालोमा बेरे कान्छा,/

हात मेरो साथ मेरो न छुटाउनु जनमभर ,
भनिकन केरकार गर्दै बचनले घेरे कान्छा, /

तिर्थ यात्री पौडेल,
लखनपुर,३ झापा,नेपाल,
हाल;बहराइन

गजल

2010-05-27T04:09:00.000-07:00

लोकतन्त्रले

दरबार काण्डको सत्यता ,खोलेन लोकतन्त्रले/
बास्तबिकता किन कुन्नी ,बोलेन लोकतन्त्रले/

यती बिशाल जन आन्दोलनको बलले पनी
सामन्ती बागडोर अझै ,बिथोलेन लोकतन्त्रले/

जनताको छातिमा छानी छानी गोली हान्नेलाई
जिउदै पोल्नु पर्ने तर , पोलेन लोकतन्त्रले /

धनी गरिब साना ठुला बिचका भिन्नतालाई
सामान्जस्य समान्तरमा ,घोलेन लोकतन्त्रले/

बिदेशि कै इसारामा उठ बस हुन्छ सधै तिम्रो
नया देश निर्माणको रफ्तार ,छिचोलेन लोकतन्त्रले//

खगेन्द्र खिलाफी
पाख्रिबास धनकुटा
हाल दोहा

गज़ल

2010-05-13T08:09:00.000-07:00

एकान्तमा भेटेर बोलुँ-बोलुँ लाग्यो......

एकान्तमा भेटेर बोलुँ-बोलुँ लाग्यो |
तिमी संग हृदय खोलुँ-खोलुँ लाग्यो |

एक चिट्ठी लेखेर बैना बट्टा मारी
मिठा कुरा कानीले मोलुँ-मोलुँ लाग्यो ||

दोबाटोमा पर्खेर लुकी छिपी हेर्दै
नदेखे झैं गरेर टोलुँ-टोलुँ लाग्यो ||

तिम्रो नामको छापले सिउँदोमा छापी
जीवनलाई रंगमा घोंलुँ-घोंलुँ लाग्यो ||

तिमी संगै जिंदगी सात जूनी साट्न
सातै माड़ा घुमेर पोलुँ-पोलुँ लाग्यो ||

मिना बान्तवा "मृदु"
काठमाडौ नेपाल,
हाल: तिबेरिया ईजरायल

गजल

2010-05-13T03:45:00.000-07:00

पिएर बाचे फेरी

दर्द आसु जहर ,पिएर बाचे फेरी/
घात प्रतिघातमा,जिएर बाचे फेरी/

बाच्नु नै हो नी आखिर जसरीनी मैले
मुटु नै पनी पैचो ,दिएर बाचे फेरी/

बिक्षित्त अनी टुक्र टुक्र भएको मन
अफ्सोज जसो तसो ,सिएर बाचे फेरी/

हरेक चोट ब्यथाको मुकाबिला गर्दै
साच्चै भित्र भित्रै म ,खिएर बाचे फेरी/

जे हुनु आफ्नै कर्म बिधाता खोटो रै छ
जिन्दगीको तितो स्बाद,लिएर बाचे फेरी/

खगेन्द्र "खिलाफी "
पाख्रिबास धनकुटा,
हाल दोहा

गजल

2010-05-11T03:51:00.000-07:00

टोलाई टोलाई बसौ कति‏ .....

टोलाई टोलाई बसौ कति दोधारैमा परें ।
मनको बाँध फूटीगयो आँशु भेलमा तरें।

नत माया मार्नै सकें नत उ पाउँनै सकें,
खाली जीवन जीउछु भनि बाँचा मात्रै गरें । ।

खुशी चयन लुटी लग्यो दुख पर्‍यो भागमा,
झेल भयो जिन्दगीमा आफैदेखि आफै मरें । ।

मनभरिको पिडा ब्यथा तनभरि छ, घाऊ,
चर्किएर छाती दुख्दा अघि होईन पछि सरें। ।

गिता थापा (दोषी)
हाल-इजरायल
रचना-अप्रिल २७/२०१०/मङगलबार/

गजल

2010-04-28T23:10:00.000-07:00

तिमी मौनतामै संसार‏.....

तिमी मौनतामै संसार सिच्ने मान्छे/
तिमी हाँसी हाँसी सगर मिच्ने मान्छे/

कुन माधुर्यतामा भरौं म तिमीलाई
तिमी ईशाराले नजिक खिच्ने मान्छे//

म अवसरको खोजिमा भौतारिन्छु
तिमी मौकालाई नि आफै किच्ने मान्छे//

म बाँचेर पनि मरें तुल्यनै भए
तिमी त पैंतालाले मृत्‍यु थिच्ने मान्छे//

गीता थापा (दोषी)
इजरायल

गजल

2010-04-28T22:52:00.001-07:00

हामी ठुलो भयौ ।।

हामीहरु बिदेशिलाई कनाएरै ठुलो भयौ
नेपाललाई युद्द भुमी बनाएरै ठुलो भयौ ।

असमानता हैन समानताको भाषण गर्दै
हामीहरुले हाम्रो जात जनाएरै ठुलो भयौ ।

नेपाल र नेपाली चाँही जता जान्छ्न जाउन
बिजया को उत्सब हरु मनायरै ठुलो भयौ ।

मिठो मिठो कुरा गरी भाईको नाता गास्नेलाई
हाम्रो देशको सिमारेखा तनाएरै ठुलो भयौ ।

चकेन्द्र "कैदी " राइ

गजल

2010-04-08T23:04:00.000-07:00

के काम गर्नु जस छैन भने

के काम गर्नु जस छैन भने
नचुस्नु कोया रसछैन भने/

सानो नसम्झे बिजोर नौ लाई
ठुलै हुन्छ त्यो दश छैन भने/

उत्तरहरु छन् तर के प्रयोजन
तिम्रै मनमा खस्खस् छैन भने/

ड्राईभर मात्र भएर हुन्न क्यै
ब्ाटोघाटो र बस छैन भने/

पुग्ने कहिले संगै गन्तब्यमा
अझै तिम्रै टस्मस् छैन भने/

-आजाद अजनवी
-२०६६ चैत्र २२
ललितपुर

गजल

2010-04-03T10:50:00.000-07:00

मन लाग्यो

देउरालीमा चामल पाती चढाउन मन लाग्यो ।
बार्लिनको पर्खाल आज ठढाउन मन लाग्यो ।

हाम्रो भेट अब फेरी कहिले पनि नहोस भनी
जिन्दगीको पाइला अन्तै बढाउन मन लाग्यो ।

सबै हुन्छन मनको मालिक आफ्नै खुशीमा
जीबनको श्वासको दोरि चुढाउन मन लाग्यो ।

सलाई कोरी आफ्नो शरीर डढाउन मन लाग्यो
त्यो खरनी तिम्रै नाममा उढाउन मन लाग्यो ।

चकेन्द्र राइ "कैदि"
धनकुटा, नेपाल

गीत

2010-04-02T01:22:00.000-07:00

फुके पनि टुना मुना................./

सधै-सधै छाती भरी तिम्रो माया छ नि
छाडी गएउ ब्यथा पिडा मुटु भो खरानी
फुके पनि टुना मुना रहिरह्यो मोहोनी !

रातै भिज्यो आसुले दिने भो सपनी
सम्झनाले पोलिरह्दा हासौ कि रोउ नी
र्हिदय भरी सजाको माया म भुलु कसरी
फुके पनि टुना मुना रहिरह्यो मोहोनी !

बाचा बन्धन माया प्रिती सबै भो काहानी
मुटुको माया रिदयको तस्बिर के गरी मेटुनी
तिम्ले भुलेउ कुन खुसीमा म भुलु कसरी
फुके पनि टुना मुना रहिरह्यो मोहोनी !

शब्द : दिलिप योन्जन
संगीत : आलोक श्री
गायक : यम बराल

गजल

2010-04-02T00:57:00.000-07:00

दुखाएर मुटुलाई‏

सपनाको संसारमा आँधिवेरी चल्यो आज/
दुखाएर मुटुलाई हाँसी हाँसी छल्यो आज/

आफन्तनि टाढाभए कुदिनले छुँदा खेरि
छातीचिर्दै ब्यथाहरु आगोसरि बल्यो आज/

दुखमात साहारानै होला भनि ज्यानदेथेँ
पर्खाइमै दिनरात उमेरनै ढल्यो आज /

कतिपनि गुनछैन केलाएर बसौं भने
सुस्त सुस्त सासघटी शरीरनै गल्यो आज/

थोपा थोपा बटुलेर राखेकिथे सम्हालेर
तेतिदर्ह्यो पर्खाल पनि पलमै ढल्यो आज /

गीता थापा "दोषी"
बेलबारी मोरङ
हाल इजरायल

गजल

2010-04-01T22:52:00.000-07:00

मुटुभरी निलडाम छ दुख्छ .....!

मुटुभरी निलडाम छ दुख्छ यहाँ मान्छे अचेल/
मलमपट्टी गर्छु भन्दै थुक्छ यहाँ मान्छे अचेल/

खस्न लागे भीरमा हुन्छ रमितेको ताँती ताँती
लुट्न खुसी भने टाढा पुग्छ यहाँ मान्छे अचेल/

सुन चाँदी पैसा जमिन थुपारेर पर्खाल लगाई
क्यै नहुने अर्को देखे भुक्छ यहाँ मान्छे अचेल/

टिलपिल टिलपिल सम्पत्तिमा रसाउन आउनेहरु
तिर्खाएको बेला भने सुक्छ यहाँ मान्छे अचेल/

विश्वास भित्र विष फल्छ मानवता कुहिइसक्यो
अर्कोलाई शंकटपर्दा लुक्छ यहाँ मान्छे अचेल/

-आजाद अजनवी

गजल

2010-03-23T09:42:00.000-07:00

मनकोसबै मात यादमा‏

मनकोसबै मात यादमा लगाइदिएँ मैले/
ढप्कियका परेली खोली बगाइदिएँ मैले/

बिछोडिएर तिमी गयौ सातसमुन्द्र पारी
आउछौकी भनि आशा जगाइदिएँ मैले/

सिरानिमा सताउँन आउँनेगर्थ्यो सम्झना
आँखा खोली सुन्यतामै भगाइदिएँ मैले /

समिपताको खोजिगर्दै चर्किन्थ्यो छात्ति
लज्जा कति न मानिनै मगाइदिएँ मैले /

पछ्यौरीको सिमाहटाइ मन्द त्यो मुस्कान
प्यासी सारा शरीरभरि सजाइदिएँ मैले //

गीता थापा "दोषी"
बेलबारी मोरङ
हाल इजरायल

गीत‏

2010-03-23T09:33:00.000-07:00

म त डुंगा ................./

म त डुंगा भए तिम्लाई, तिमी देउता भई जिउनु
जिउदै मलाइ आगो लगाई, नाठो संग आगो ताप्नु !

देबी देउता झुटो भयो, दुई दिन बिछोड हुदा
जानी बुझी छुरी हानी, तिमी बिना मर्छु भन्दा !

माया पनी सस्तो महँगो, फलाम भए सुन पाउदा
फुल सरी सजाउछु भन्थी, काडा भए तिन्लाई छुदा !

तिमी जिबन तिमी साहारा, मायाको नि खेल कस्तो
खुसी पाए दुखी भुल्ने, बाचा बन्धन कती सस्तो !

दिलिप योन्जन
अस्टिन, अमेरिका

गज़ल

2010-03-18T18:45:00.000-07:00

रापले बलेछु...........!

तिम्रो मायाँको रापले बलेछु||
तिम्रै छायाँको चापले बलेछु||

याद सायद नआएनी हुन्थ्यो
अन्जान भूलको पापले बलेछु||

रात-दिन पोल्छ यो मन यहाँ
तिमीले छोएको छापले बलेछु||

ब्याथा माथि ब्याथा थपिन्दैछ
चिन्ताको हुरी बाफले बलेछु||

झुठा भएछन बाचा कसम
तिम्रो चिठीको खापले बलेछु||

गह भरिको आँसू पुछ्दै म
पलपल पश्याताप्ले बलेछु||

खोइ! कसलाई कसरी सोधुँ
अन्तर प्रस्न बिलापले बलेछु||

मिना बान्तवा "मृदु"
काठमाडौँ नेपाल
हाल इजरायल

गीत

2010-03-07T09:51:00.000-08:00

निष्ठुरीलाई मैले ..........

ब्यर्थै किन माया गरे निष्ठुरीलाई मैले
मनमा बसी मुटु रेटी बैगुनीले अहिले !

जति सियो फाटिरने कस्तो मेरो मन
खुसी पाए ढुखी भुल्ने ठुलोरैछ धन
जति बिर्सियो उति आउने निष्ठुरीको याद
नशा पिए मेटीन्दैन बरै बैगुनीको प्यास !

झर्ने आसु बगिरंछ दिन रात सधै
हास्दै हेर्छन जोरी पारी भन्दैन बरै
कसम किन खाए मैले निष्ठुरीको साथ
जन्म२ जिउला भन्थे उडाई छाडी बास !

दिलिप योन्जन
अस्टिन, अमेरिका

गजल

2010-03-04T05:54:00.000-08:00

अली डर लाग्छ र पो .....

तिम्रो लागि ज्यान दिन अली डर लाग्छ र पो |
मर्ने थिए तिम्रै निम्ती मनमा सन्त्रास जाग्छ पो |

सत्य कसम जिबित चरी समाउन सक्थे मैले,
समाउन खोज्दा पापी चरी उडी उडी भाग्छ र पो।

तिम्लाई पाउन बाघ सँग युद्द गर्ने हिम्मत मेरो,
मुर्ख बाघ ले मेरै शरीर खान्की सम्झी ताक्छ र पो।

भन्छौ भने जुन तारा क्षण भरमै झारी दिउला
तर एसो।! आकाश हेर्दा शरीर हरु थाक्छ र पो।

राज रोबर्ट अजनबी
ताप्लेजुङ् मेची नेपाल
हाल : मुग्लान

गजल

2010-03-04T05:04:00.000-08:00

नयन राम्रो.....!

गाजलु उनका नयन राम्रो।
मुस्कराई गरेको बयन राम्रो।।

किन हो कुन्नी उनी बिना,
चाहात यो कतै गएन राम्रो।

यात्रा जीबनको संगै काट्न,
लाखौमा गरेँ चयन राम्रो।

हजार बर्ष संगै जिउने थियौं
छुट्ट्याउने दैब भएन राम्रो।

उनकै काखमा मर्नपाउँ बस,
बाँकी मलाई केहीछैन राम्रो।।

ईन्द्र पुन
रुकुम गर्खानी
नेपाल
हाल: परदेश बाट

गजल

2010-03-04T04:22:00.000-08:00

पस्नै पर्‍यो ...!

पस्नै पर्‍यो मैले आज रक्सीको भट्टी भित्र,
चुर्लुम्म आँखा धसियो नशाको पट्टी भित्र।

हात गोडाले लत्ता छाड्यो पशु झैं ब्यहोरा,
लडेछु थाहै भएन मैयाको चट्टी भित्र।

मर्दा खेरी मात्रै अन्तिम् सम्झना दागबत्ती,
सञ्चित् छँदैछ अग्नी सलाईको बट्टी भित्र।

ब्यथा सहन नसकी पिएरै मरे भने,
जलाई दिनु है समसानको घट्टी भित्र।

पृथ्वी भरिमा चाहेर नि जिउँन सकिन,
बिलिन भएरै जान्छु म दुङ्मेन् मट्टी भित्र।

अर्जुन दुङ्मेन्

गजल

2010-02-27T09:35:00.000-08:00

चोट माथि चोट

देखाउछ्यौ प्रिय सधै खोट माथि खोट|
सहन्न म अरु तिम्रा चोट माथि चोट|

आशा थियो चाहनेछ्यौ प्रेम रुपी वर्षा
तर माग्छेउ किन सधै नोट माथि नोट|

चाह गरे सधै भरि गुलावको झैँ हासो
बादलु झैँ पोख्छेउ किन रोस माथि रोस|

भुट्या मकै यता छाडी नाठोलाई रोटी
अन्धो बैसले गुमायोकी होस् माथि होस्|

पहिले भन्थेउ संसारमै असल मेरो राजा
आज किन देखाउछ्यौ दोष माथि दोष |

विमल गौतम
साउदी अरेबिया
२६-२-२०१०

गजल

2010-02-24T23:51:00.000-08:00

हजार थरी चोट.....!!!

हजार थरी चोट लुकाई हाँस्नु पर्ने जिन्दगीले
दु:खको फूल फुलाई माला गाँस्नु पर्ने जिन्दगीले।

भाग्य फाटेको निधारमा कयौं ठक्कर पाईएछ
खोट छोपी नयाँनयाँ आशा टाँस्नु पर्ने जिन्दगीले।

मनको बगैचामा रंङ्गीबिरंङ्गी फूल रोपीएछ
एउटा जोगाएर सब्लाई मास्नु पर्ने जिन्दगीले।

जीवनमा घेरा बनी ब्यथाको ऐझेरु झेलीएछ
बाचुञ्जेल आशुँको छुराले छास्नु पर्ने जिन्दगीले।

हजार थरी चोट लुकाई हाँस्नु पर्ने जिन्दगीले
दु:खको फूल फुलाई माला गाँस्नु पर्ने जिन्दगीले।

अर्जुन दुङ्मेन्,
बगदाद, इराक।

गजल

2010-02-23T09:15:00.001-08:00

"रात परे थियो...!"

दिन हो माघ दशको आमासँग बात गरे थियो,
चाडै आउँदैछु घर भन्दै ढाँटी घात गरे थियो।

मुग्लानको मेरो बसाई युद्धग्रस्त देश इराक,
मुटुनै थर्क्यो जव बम पड्कदाँ रात परे थियो।

बनावटी बार र पर्खाल डर लुकाउने ठाउँ,
बङ्करतिर मनको त्रासै-त्रासको खात सरे थियो।

आमा! के सुनाँऊ अब यहाँ कथाब्यथा तिमीलाई,
जिन्दगी नि ओईलिदैं मेरा सबै पात झरे थियो।

परदेश नजाउ बाबु बिहे दान गर भन्थियौ,
तर, मैले दुलही रोज्दापो अर्कै जात परे थियो।

अर्जुन दुङमेन्;
उदयपुर।
हाल: बगदाद, इराक।

गजल

2010-02-21T19:27:00.000-08:00

आँखालाई आँशुभित्र चोपिएको बेला
हाँस्ने धेरै हुन्छन् मुटु खोपिएको बेला

सकिन्छ कि लडाउन अझै भनि आँउछन्
बाटोभरी काँढै काँढा रोपिएको बेला ।

हल्लाउदैंन पुच्छर कुकुर केही नभा’कोलाई
एक्लै न हो सबैबाट हेपिएको बेला ।

पराई पनि आफ्नो हुन्छ सुखहरुमा त
को हुन्छ र पीडाहरु थपिएको बेला ।

र् याल काड्दै वरीपरी सबै आफ्नो हुन्छन्
सुनैसुनले जिन्दगानी छोपिएको बेला ।

-आजाद अजनवी-

ठेगाना-नाङ्लेभारे ५काठ्माण्डौं ।

फोन-९८४१६९३६८२

गीत

2010-02-21T19:05:00.000-08:00

हिमालको पहिलो लालीमा

हिमालको पहिलो लालीमा
तिमीलाई नै सधै देखुँ हजुर
शीतले भिजेको फुलमा पिन
तिमीलाई नै माया पोखुँ हजुर ।

हजार त्यि मिठा सम्झनाहरु दिलभित्रै लुकाएछु
भिज्ला भनि त्यो पाउ आँशु भित्रै सुकाएछु
साँझको जुनेली भरी-भरी
पर्खी बस्नेछु म बाटो हजुर
हिमालको पहिलो लालीमा
तिमीलाई नै सधै देखुँ हजुर

कति छन् कति छन् मनभरीका चाहना
सबै पुर् याउला नगरेर बाहाना
आउनु बर्षात भै छिटो-छिटो
मायाले बेस्सरी भिँजु हजुर
हिमालको पहिलो लालीमा
तिमीलाई नै सधै देखुँ हजुर

-आजाद अजनवी-

-२०६६ फल्गुन ३

काठमाण्डौं

गजल

2010-02-13T10:27:00.000-08:00

बिनाशकारी रात थियो

१९ जेठ राजादरबारमा बिनाशकारी रात थियो ।
सबै भन्छन त्यो काण्डमा उनकै भाईको हात थियो।

बिरेन्द्रको बंशै सक्यो, अरु कती मरे कठै !
अस्पातलमा लासको पनि खात माथि खात थियो।

बिदेशमा बैंक ब्यालेन्स स्वदेशमा जमिन धेरै
बिरेन्द्रलाई मार्नै पर्ने यही एउटा बात थियो ।

सम्पत्ती र शक्ती पाउन आफ्नै दाईलाई गोली दाग्नु
रगतको मात्र हैन पुरै राष्ट्रघात थियो ।

एकै कोखमा जन्मा लेका जेठा कान्छा खुबै जाती
कुन जन्मको श्राप होला माइला भन्ने कु-जात थियो.

शक्ती पाए निरंकुशता शासन ल्याउछु भन्ने उनलाई
एक्काइसौ शताब्दीमा पागलपनको मात थियो।

रगत भित्र पौडिएर सत्ता उनले लिई छाडे
तर कठै! देशलाई भने दशा साढे सात को थियो।

राज रोबर्ट "अजनबी"
ताप्लेजुङ् मेची
नेपाल

गजल

2010-02-13T09:53:00.000-08:00

रित्तिएको खाली ठाउँ‏

रित्तिएको खाली ठाउँ भर्न मन लाग्यो|
जीवनरुपी जंघार सँगै तर्न मन लाग्यो|

एक वारको जूनी हजुर फेरी पाइन्न रें
खुशी सँग सम्झौता पो गर्न मन लाग्यो|

अन्धाकारमा डुबेर उज्यालोलाई भूलेकिथें
फेरी जुन बनि ज्योति छर्न मन लाग्यो|

आरोह र अवरोहका धेरै उताव चढावहरु
सबै त्यागी आँगनीमा सर्न मन लाग्यो|

सुवाश छर्ने बगैंचाको सप्तरंगी फूल बनि
एकचोटि लटरम्मै फूली झर्न मन लाग्यो|

गीता थापा (दोषी)
बेलबारी मोरङ
हाल इजरायल

गीत

2010-02-10T20:46:00.000-08:00

डाडा खोला ............/

डाडा खोला तर्दा पनि भेटिन देउराली
बस्यो माया केसारो याद आउछ झल्-झली
बनै फुल्यो फुल
डबलीमा रुमाल साट्नु गरे मैले भूल !

ट्याम्के सेल्मे घमाइलो भो घामैको झुल्कोले
बन है पाखा न्याउली रुन्छ मनैको पिरले
पिखुवा सेरा बग्यो सल-ल रोकिन् कहिले
ढुख र पिडा पोख्न खोज्छु सुन्दैन कसैले !

ट्कसार माथी सल्लाको घारी के सारो सुसाउछ
कोमल आत्मा सक्दिन रोक्न मोती झैँ छल्किन्छ
परेवा साची सिद्काली भाकी तिमीलाई माग्दैछु
पल-पल हेर्छु तस्बिर तिम्रो त्यसैले बाच्दैछु !

दिलिप योन्जन
अस्टिन, अमेरिका

(मेरो जन्म थलो भोजपुर देउरालीको सम्झनामा)

गजल

2010-02-09T11:26:00.000-08:00

किन छुरा‏

किन छुरा निर्धोको घाटी सेर्नलाई|
म पशु पानी छम्किदैमा टेर्नलाई|

मत निश्चलहृदय भएकि मान्छे हुँ
जान्दिन नेताले झै कुरा फेर्नलाई|

बिचार हो तिम्रो जहाँ उपयोग गर
नडराउँ मदेखि आउँदिन घेर्नलाई|

पर्दैन चुकाउँनु ऋण पापको डरले
भगवान पातल झर्दैनन हेर्नलाई |

हिरामोती जुहारत बिछ्याएनि
मात्र सातहात कपडा हो बेर्नलाई|

गीता थापा (दोषी)
हाल ईजरायल

गीत

2010-02-06T12:08:00.001-08:00

थाहै नदीइ आँफै बाट आफ्नो मुटु चुडाइ लग्यो ।
हुरी आइ मेरो सबै संसार नै उडाइ लग्यो ।।

अनयास जिन्दगीमा कस्तो यस्तो मोड आयो ।
हिंड्न धेरै बाँकी थियो बाटो अन्त भयो ।।
थाहै नदीइ आँफै बाट आफ्नो मुटु चुडाइ लग्यो ।
हुरी आइ मेरो सबै संसार नै उडाइ लग्यो ।।

आशु सबै सकी सक्दा रुन धेरै बाँकी रह्यो ।
आज बाट मेरो लागि धरती भासी गयो ।।
थाहै नदीइ आँफै बाट आफ्नो मुटु चुडाइ लग्यो ।
हुरी आइ मेरो सबै संसार नै उडाइ लग्यो ।।

चकेन्द्र राई कैदी
धनकुटा

कबिता

2010-02-05T11:43:00.000-08:00

"कहिले एक्लै रुन्छु म"

कहिले एक्लै रुन्छु म, समयको खेल संगै!
तिम्रो तस्विर बुन्छु म, समयको खेल संगै!

तिम्रो मेरो जीवन नदीका दुइ किनारा भो
अर्को जुनीमा हुन्छु म, समयको खेल संगै!

भो अब बिर्सीदेउन थाम तिम्रा मनहरु
आफैलाइ पनि थुन्छु म, समयको खेल संगै!

धोएर नजाने भै बसेछ दिलमा छापहरु
आफैले आफैलाई धुन्छु म, समयको खेल संगै!

चाहिन्न केहिं जहीं बस तिमी खुसिहौ
ठाडैबसी अतित गुन्छु म, समयको खेल संगै!

आफैछु बैसाखी र लाठी आफैछु साथी
अब देवी-देवता छुन्छु म, समयको खेल संगै!

सपनाको महल भत्कियो सिक्दैछु एक्लो जिउँन
मृदु मात्रसाथ चुन्छु म, समयको खेल संगै!

मिना बान्तवा "मृदु"
झापा नेपाल
हाल: तिबेरिया इजरायल

गजल

2010-02-01T11:50:00.000-08:00

सुहाग रात

तिम्रो मेरो जीवनको त्यहिँ पहिलो साथ थियो
अन्धकारै भए पनि कति मिठो रात थियो |

बाहिर हल्का वर्षा संगै शिर शिर हावा चल्दा
एउटा खाटमा दुइटा ज्यान जवानी को ताप थियो|

एक अर्का मा समर्पित भै संसार लाई भुली रहदा
तिम्रो मलाई मेरो तिम्लाई बराबरी चाप थियो|

छाती फुट्ला जस्तै गरि हाम्रो धड्कन बढी रहदा
मेरो सारा शरीर भरि अधर को छाप थियो |

नभ्याएर सास फेर्न छाती भित्रै रोकेका थियौ
किनभने एकै ठाउंमा खुकुरी र दाप थियो |

तिम्रो मेरो जीवन को त्यहिँ पहिलो साथ थियो
अन्धकारै भए पनि कति मिठो रात थियो|

रात को पनि महारात त्यो त सुहाग रात थियो|
रात को पनि महारात त्यो त सुहाग रात थियो|

बिमल गौतम
मोरंग
हाल साउदी अरेबिया
01 Feb.2010
( मैले छिट फुट कविता लेखे पनि गजल को यो प्रस्थान बिन्दु हो गजल मा आएको बाढिले मलाई पनि लतार्यो यसमा भएका कमि कमजोरी औल्याई दिनु हुन गजल का पारखी हरु मा अनुरोध गर्दछु.)

गजल

2010-01-29T06:32:00.000-08:00

जिन्दगी

काम नलाग्ने थोत्रे ,फितो छ जिन्दगी
चार पैसामा मेरो ,धितो छ जिन्दगी

नसोध मलाई ,हाल खबर तिमी
परदेशीको साह्रै ,तितो छ जिन्दगी

बेबारिसे झै मरितुल्य बाचेको छु
छैन म सँग केही ,रित्तो छ जिन्दगी

छिया छिया हुँदा ,सम्हाल्नै सकिन
साँच्चै भग्नाभशेस ,भित्तो छ जिन्दगी

सधीयारले ,बेमान गर्दा खेरीसधैं
किचलो बाझो ,कित्तो छ जिन्दगी

खगेन्द्र खिलाफी
पाख्रिबास धनकुटा

गजल

2010-01-29T05:39:00.000-08:00

गीत

2010-01-22T04:24:00.000-08:00

टोकियो सहर हेर्नुमा रहर साकुरा फुली दिदा
बिर्सन खोज्छु दुख्छ झन मुटु सम्झना आउदा !

बिपना बित्यो दुख र पिडा आसुमा दुब्दिदा
दुखेर छाती भत-भती पोल्छ सपनी छुटदिदा
आसुमा डुबे यी रातहरु बेदना बल्झिदा
बिर्सन खोज्छु दुख्छ झन मुटु सम्झना आउदा !

पोलेको छाती जलेको आत्मा आसुले धुइदिदा
रसाई रहे परेली माझ भाबना टुक्रिंन्दा
मर्दैछु म त जिउनको लागी बेदना बल्झिदा
बिर्सन खोज्छु दुख्छ झन मुटु सम्झना आउदा !

गीतकार : दिलिप योञ्जन
संगीतकार : न्हु बज्राचार्य
गायक : राम कृष्ण ढकाल

गजल

2010-01-17T11:13:00.000-08:00

तिम्रो याद माँझ्न.....!

तिम्रो याद माँझ्न खरानी भिजाँए
र पखाल्दै आँशुले सिरानी भिँजाए|

के गरीन र दुख्ख मैले तिम्रो लागि त
घाम तताएँ अनि पानी भिजाँए ।

ओईलाईरह्यो तिमीलाई ताजा दिनलाई
आसाका फुलहरु छानी छानी भिँजाए ।

माफ गर ल ओ पि्रय अब त
सायद बचनले नजानी भिँजाए।

तिमी त यहीं रहिछ्यौ डराएथें म त
यी हेर त आँखाकै नानी भिँजाए।

आजाद "अजनवी"
नाङ्लेभिर-५,
काठ्माण्डौं

गजल

2010-01-17T10:44:00.000-08:00

सगै मरु

जहाँ गए पनि तिम्रो सामु परु|
मोती बनी तिम्रो आखा बाटै झरु|

तिमी नै हौ मेरो सबथोक मिनु
भन्छ मन तिमीलाई माया गरु|

तिमी बिना बाच्न सक्दिन म
अब बाच्नै परे जिउदै जलाउ बरु|

छैन चाह केही पनि तिमी भन्दा
जिन्दगीको खोला तिमी सगै तरु |

माया नै हो सबै भन्दा ठुलो कुरा
तिमी सगै बाची तिमी सगै मरु|

खिलाफी त तिम्रै आसमा बाचेको छ
तिमी बाहेक को छ र मेरो अरु |

खगेन्द्र खिलाफी
पाख्रिबास धनकुटा
हाल कतार

गज़ल

2010-01-15T10:16:00.000-08:00

वाह! क्या गज़बको कुरो

वाह ! क्या गज़बको कुरो गर्नु भो|
यसो बुझ्दा लाग्छ मलाई धर्नु भो|

चान चूने मायाँ हैनहै भन्दा भन्दै
सिलिबरे थाल पनि बुट्टा भर्नु भो|

हिजो टाढा हुने धनकुटे खिलाफी
आज त झन् पो नजिक सर्नु भो|

नाता केलाउँदा सासुकी छोरामोरों
यतासाइनो त सोल्टी पो पर्नु भो|

जिग्री गर्दा गर्दै ख्याल ख्यालैमा
थरि-थरि सपनाको बिऊ छर्नु भो|

जानू-जानू नेपालाँ कन्या खोज्नु
मेरो सपनामा उत्तरपानी तर्नु भो|

मिना बान्तवा "मृदु"
काठमाडौँ नेपाल
हाल इजरायल

गजल

2010-01-15T09:48:00.000-08:00

मलाई अटाउ अब त

स्वार्थ लालसा दिमागबाटै ,हटाउ अब त |
अशिक्षा अभाब मोकमारी ,घटाऊ अब त |

देशको साँच्चै हरी बिजोक छ अहीले साथी
भ्रष्ट धुस खोरीलाई डाढा ,कटाउ अब त |

दिन दाहडै लुटिदैछ हाम्रो अस्तित्व देश
देशको रक्षार्थ नौजबान ,खटाउ अब त |

सत्ता कुर्सीमा नै लिप्त हुने हाम्रा नेतालाई
जनता जिउदै आर्य घाट ,पठाउ अब त |

देशको सक्दो सेवा गर्छु भो परदेश जान्न
तिम्रै छत्र छायामा मलाई, अटाउ अब त |

खगेन्द्र खिलाफी
पाख्रिबास धनकुटा
हाल दोहा

गजल

2010-01-14T01:44:00.000-08:00

भाग्य मेरो खोटो‏

भाग्य मेरो खोटो लेखी किन दैव पिडा दियौ|
यहाँ मलाई दुखै दु:ख तिमी दैव कहाँ थियौ|

खोजीहिंडे तिमीलाई मन्दिर र मस्जीत चाहर्दै
मछु तिरोलागी भनेनौ किन दैव मुख सियौ|

यति ठुलो संसारमा मलाई तिम्ले हेला गरी
बाँकी थोरै खुशी पनि किन दैव खोसी लियौ|

सुखीले चैं पूकारेमा घरघरमै आउँछौ तिमी
मत तिम्रो सामु आएँ किन दैव भागी गयौ |

सबै आँशु अंशलगाइ कर्महारा म एउटी लाई
छलगरि गरी किन दैव कालाकुट बीष पियौ|

गीता थपा (दोषी)
बेलबारी मोरङ
हाल-ईजरायल

गजल

2010-01-13T20:15:00.000-08:00

गजल

आँखालाई आँशुभित्र चोपिएको बेला
हाँस्ने धेरै हुन्छन् मुटु खोपिएको बेला

सकिन्छ कि लडाउन अझै भनि आँउछन्
बाटोभरि काँढै काँढा रोपिएको बेला ।

हल्लाउदैंन पुच्छर कुकुर केही नभा’कोलाई
एक्लै न हो सबैबाट हेपिएको बेला ।

पराई पनि आफ्नो हुन्छ सुखहरुमा त
को हुन्छ र पीडाहरु थपिएको बेला ।

र् याल काड्दै वरीपरी सबै आफ्नो हुन्छन्
सुनैसुनले जिन्दगानी छोपिएको बेला ।

आजाद अजनवी

नाङ्लेभारे-५ काठ्माण्डौं ।

गजल

2010-01-11T11:38:00.000-08:00

रज्निश को हो म उस्को चेला हैन |
माया गरौ यो इत्रिने बेला हैन |

मायाले सुमधुर संसार बन्छ
बैरभाव अनी इर्स्या हेला हैन |

पन्चे बाजा जन्ती ल्याइ आउछु है
हाट बजारको जस्तो मेला हैन |

गरौ छिट्टै लगनको छिनो फानो
समाजमा कचरीको भेला हैन |

तिमीसग बाच्छु म त सधैं सधैं
भएर नितान्त म अकेला हैन|

खगेन्द्र खिलाफी
पाख्रिबास धनकुटा
हाल दोहा

गीत

2010-01-11T11:27:00.001-08:00

बोलाउदा नि ...................

बोलाउदा नि रिसाउने कस्तो तिम्रो बानी
लजाउदा झनै राम्री मेरी मनकी रानी !

जती हेर्यो उती हेरु लागीरन्छ पल-पल
जे गरेनी तस्बिर तिन्को आइरन्छ झल-झल
अमृत पनी नसा भयो सम्झनामा तिनको
मन-मन्दिरमा माया बस्यो भेट्दा एकै छिनको !

अपसरा नि फिका लाग्छ हासी२ बोल्दा
स्वर्गै पाउथे होला तिनले अंगालोमा बाध्दा
एकान्त नि प्यारो लाग्छ एक्लै गुन-गुनाउदा
चखेवा झैँ उडु लाग्छ तिनलाई सामु पाउदा !

दिलिप योन्जन
अस्टिन, अमेरिका

गजल

2010-01-11T11:01:00.000-08:00

अरुको सानो सानो गल्ती देखिन्छ यहाँ|
भाग्य पनि पंक्षपात गरि लेखिन्छ यहाँ|

कति आकांक्षाहरुमा कठोर प्रहार गरिदा
सत्यता अस्त्यको मसीले मेटिन्छ यहाँ|

उम्केर त्यो भिडबाट भाग्दा भाग्दै पनि
जताततै घातको निशानी भेटिन्छ यहाँ |

अँध्यारो चारैतिर अत्यास लाग्छ पछि
ख्याल गरि गरि घाँटीनै रेटिन्छ यहाँ|

गीता थापा (दोषी)
Belbari, Nepal
हाल-ईजरायल

गज़ल

2010-01-08T10:51:00.000-08:00

न भोक दिनमा

बस्यो क्यारे छापहरु बात बातमा|
न भोक दिनमा न निन्द्रा रातमा |

साच्चै तिमी प्यारा कति निर्दोषी
कति तोलाको बाला दिने हातमा|

सिन्दुरको धरको जन्तीको लरको
मलाई राख्ने हौलानि पात पातमा|

बिहे हुने कहाँ फोटो जोडी हालेउ
राख्ने होला लेखेर कहानी खातमा|

थिइ भनि गफ सुनाउन हुनिलाई
नामे मायाँलु राख्ने रैछौ महात्मा|

मिना बान्तवा "मृदु"
झापा नेपाल
हाल इजरायल

गजल

2010-01-07T08:05:00.000-08:00

हावा चल्या थियो..!

अरुण नदी वारी उकालींदा, हावा चल्या थियो,
निर्मोहीलाई भेटी फर्कदामा खुट्टा गल्या थियो।

उनी रहिन् पारी भोजपुर, क्षितिज भन्दा परै,
धनकुटैबाट हेर्दा त्यै कुहिरोले छ्ल्या थियो।

पछ्याई रहें अज्ञात् बाटोहरु, बास लिन पुग्न,
छट्पटीएर बिपतीमा कतै मुटु हल्या थियो।

साँझपख पुगें म, त्यहीं रमाईलो पाख्रिबास,
जुनेलीले छाउँदै राती सूर्यदेब ढल्या थियो।

अरुण नदी वारी उकालींदा, हावा चल्या थियो,
निर्मोहीलाई भेटी फर्कदामा खुट्टा गल्या थियो।

अर्जुन दुङमेन्,
बेल्टार-२, उदयपुर।
हाल: बगदाद, इराक।

गजल

2010-01-06T10:44:00.000-08:00

किन रुनु साथी

झरेको आँशु पुछेर मनमा केही त गुनुँ साथी।
निष्ठुरीको यादमा कल्पी संधै किन रुनु साथी।।

आफ्नाको घातमा आफै मर्न चाहाने हरु बुझौ,
अमुल्य मानब जिबन जानेर किन कुनु साथी।

बिलाप गरेर हुन्न नित भोलीको दिन सुन्दर,
आउला कोही खुसी लिई के निरास हुनु साथी।

बिस्तारै बेला घर्किदै जान्छ फेरी नफर्कने गरी,
समय हुदै बसन्तको अर्कै खुसी लौ चुनु साथी।

कहिले घाम कहिले छाँया यस्तै हो जीबन पनि,
नटेरे सोध हुन्न संधै पुर्णिमा त्यो जुनु साथी।।

इन्द्र पुन
कोल, गर्खानी
रुकुम, नेपाल

गीत

2010-01-05T11:33:00.000-08:00

हरियाली फाटभन्दा

हरियाली फाटभन्दा सुक्का डाढा मनपर्छ
फुलभन्दा धेरै मलाई काडा मनपर्छ

नारीलाई होच्याउने पाखन्डिको माझमा
अरुको भाब नबुझ्नेले सुस्ताउछन साझमा
पुर्णिमाको प्रकाश भन्दा साझ मनपर्छ
फुलभन्दा धेरै मलाई काडा मनपर्छ

ढिकि जातो साझबिहान ब्यस्त सधैं नारी
थकाई निन्द्रा थहा नै हुन्न जिउने कसो गरी
मुस्कुराउने यहाँ धेरै आसुझार्ने मनपर्छ
फुलभन्दा धेरै मलाई कडा मनपर्छ

उषा गिरी
चारपाने झापा
हाल:ब्रुस्सेल्स

गजल

2010-01-04T11:24:00.000-08:00

सडिदैन
टकौ र समाउ दरो सग कही लडिदैन|
भाग्य छ भनी डोकोमा दुध धोइ अडिदैन|

यो ध्रुव सत्य हो मिनु जी गहिराइमा बसी
नचाली पाइला शिखरमा पक्कै चडिदैन|

बाधेर हात पाऊँ आफैलाई धिकार्दै बस्दा
हो जिन्दगीमा कहिल्यै अधी बडिदैन|

यदि जग नै महबुद नहाल्ने हो भने त
मायाको गगन चुम्बी महल जरुर ढडिदैन|

चोखो मायाले मान्छेलाई बाच्ने शक्ति दिन्छ
बेकार अनी काम नलाग्ने भइ सडिदैन |

खगेन्द्र खिलाफी
पाख्रिबास धनकुटा
हाल दोहा

गजल

2010-01-04T11:01:00.000-08:00

कति जाती भयो

साँझमै जून रोयो आहा कति जाती भयो|
त्यै यादलेनै मुटु छोयो आहा कति जाती भयो|

दुईटा घाम भयो मन भत्भत् पोल्यो छातीभित्र
र माया नै ओईहाल्यो आहा कति जाती भयो|

मैलिएछन् क्यारे अहो १दुईजोर उदास आँखाहरु
छिट्टै आँशु आई धोयो आहा कति जाती भयो|

कत्ति छिट्टै पुगिहाल्यौँ अलच्छिनको दोबाटो त
आँशु हाँसो संगै आयो आहा कति जाती भयो|

हावा जस्तै "आजाद" जिबन जहाँ-जहाँ पुगे भयो|
बन्धन हाम्रो कसले फोयो आहा कति जाती भयो|

आजाद अजनबी
नाङ्लेभिर -५,
काठमाडौ

गजल

2010-01-02T11:07:00.000-08:00

बसाइ सर्न पाऊँ

मोती बनी तिम्रो आखाबाट झर्न पाऊँ|
जिन्दगीको खोला तिमी सगै तर्न पाऊँ|

सबै भन्दा धेरै माया गर्छु तिमीलाई
तिम्रो सिउदो भरी सिन्दुर भर्न पाऊँ|

तिमी बाहेक अरु कुनै चाहत छैन
तिमी सगै बाची तिमी सगै मर्न पाऊँ|

भो तिमी बिना जिउन सक्दिन अब
सधैं तिमीलाई मैले माया गर्न पाऊँ |

खिलाफी को त मन मझेरी उजाड छ
मिनु जी तिर अब बसाइ सर्न पाऊँ |

खगेन्द्र खिलाफी
पाख्रिबास धनकुटा
हाल दोहा

गजल

2010-01-02T10:58:00.001-08:00

मत आँफू देखि आँफै नै‏

मत आँफू देखि आँफै नै आज हारेकि मान्छे
अविरल बर्षाले चूटीचूटी भूईमा झारेकि मान्छे

न मेरो आफ्नो हो भन्नसकौं जून कुनै रहर छ
प्यासी रहरले प्यास बुझाई परपर सारेकि मान्छे

चिच्चाई चिच्चाई छिचोलीहिंडे मृत्‍युको परिदी लाई
मत मृत्‍युले नै बाटो बिराइ भाँका टारेकि मान्छे

अनमोल आस्थाभित्र कुञ्जियका अनेकौ विवस्था
विवस्थाको हुरीले खडेरीपारी घाऊ पारेकि मान्छे

मत आँफू देखि आँफै नै आज हारेकि मान्छे
अविरल बर्षाले चूटीचूटी भूईमा झारेकि मान्छे

गीता थापा (दोषी)
हाल-ईजरायल

गजल

2010-01-01T03:10:00.000-08:00

भुलमा अड्केको छु

कैयौं जंघार तर्नु थियो, पुलमा अड्केको छु ।
पारी जाउँ कि वारी बसुँ भुलमा अड्केको छु।

टप्प टिपी सिरमा लाउँदा बात लाग्ने होकी,
नटिपे झन दाग लाग्ने फूलमा अडेको छु |

नदेखेकै जाती हुन्थ्यो देखे पछी प्यास लाग्ने,
पिउँकी नपिउं उनको यौबन मुलमा अड्केको छु।

जात पात धर्म संस्कार बाधा बन्ने होकी ?
लाउँकी नलाउँ चोखो माया कुलमा अड्केको छु।

न मागेर लान मिल्ने न भागेर जान मिल्ने
यस्तै यस्तै प्रबासको हुलमा अड्केको छु ।

राज रोबर्ट "अजनबी"
ताप्लेजुङ्, नेपाल

गज़ल

2009-12-31T09:09:00.000-08:00

जिवनको के भर

जिवनको के भर मन जड़ाउनु हुन्न|
थाहा छैन भाग्य मन सडाउनु हुन्न|

यो मन सलल खहरे खोला बगेको
खिलाफीजी मायाँ धेरै ढड़ाउनु हुन्न|

बैसाखे मुना पलाउँदैन असारमास,
निस्ठुरीछु सार्है मायाँ गड़ाउनु हुन्न|

जिवन बस्ला स्तब्ध भिरचिन्डोमा
फेरी कसलाई गुहार्ने अडाउनु हुन्न|

कहिले कहीं उथल-पुथल हुन्छ मन
पुरा नहोला सोच मन चडाउनु हुन्न|

संसार आँधो मायाँले भन्छन सबैले
धिर हुनु मनको भिर लडाउनु हुन्न|

मिना बान्तवा "मृदु"
झापा नेपाल
हाल इजरायल

गजल

2009-12-28T18:41:00.000-08:00

जनता अब सचेत छन् नढाँटे नि हुन्छ ।
चामल सँग पिठो नसाटे नि हुन्छ ।

साक्षरताको किरणहरु बढाइसके अहिले
अशिक्षाको रुख सम्झि नकाटे नि हुन्छ ।

राम्रो सँग हेर त्यहाँ सबै कागजहरु
गल्ति सम्झि तिमिले नच्याते नि हुन्छ ।

चुक्ने छैन जनता सवै आवाज नउठाए िन
अब सुकाउने जालको डोरी नवडाए नि हुन्छ ।

जनता अब सचेत छन् नढाँटे नि हुन्छ ।
चामल सँग पिठो नसाटे नि हुन्छ ।

राम कुमार राई "दिल्लगी"

सानो दुम्मा -८ भोजपुर

कोशी

गजल

2009-12-28T12:04:00.000-08:00

खाडीको वेदना,

अङ्गना देशकी गहना दास हुन नआउ
खाडीका अजनबी संग बास हुन नआउ

अतेरी अगम्य पार्छन अघासुर मानवहरु
अखण्ड स्वभाव तिम्रो नास हुन नआउ

बन अगीसरा आफ्नै देशमा छ स्वतन्त्र
पिल्सिन्छ यौवनातिम्रो लास हुन नआउ

लागेर दामको पछी जीवन बर्वाद हुन्छ
आकुल वंशको तिमी गास हुन नआउ

गहकिला सुकिला फेशनको लोभमापरी
खराब यो मरुभूमिको आस हुन नआउ

मनोज काफ्ले "मनसुन"
स्याङ्गजा नेपाल

गजल

2009-12-28T10:49:00.000-08:00

हात देउ

निश्छल तिम्रो मलाई मन आत देउ|
चाहिदैन केही मीठा मीठा बात देउ |

तारे भिर बीच अन्योल परेको छु
मलाई जिबन्त दिगो तिम्रो हात देउ |

अगाध अघोर माया गर्छु तिमीलाई
जीवन भरी मलाई चोखो साथ देउ |

संसार भुली तिमी प्रति समर्पित छु
झुमी रहने तिम्रो मायाको मात देउ |

हुन्न गुनासो खिलाफी मन नपरे नी
सहन्छु मिनु जी सबको सामु लात देउ|

खगेन्द्र खिलाफी
पाख्रिबास धनकुटा
हाल दोहा

गजल

2009-12-26T12:01:00.000-08:00

अजब हुन खोज्दैछ मेरो देश
अताली रुन खोज्दैछ मेरो देश

फैलियो पापै पाप यहाँ निरन्तर
पुण्य धुन खोज्दैछ मेरो देश

जन्मिदै दुस्कर्म को पाठ पढी
अखडा छुन खोज्दैछ मेरो देश

हरेक मान्छे आफ्नै स्वार्थमा
हिरा र सुन खोज्दैछ मेरो देश

पेटकै लागि भाइ भाइ मारी
घरमै खुन खोज्दैछ मेरो देश

मनोज काफ्ले "मनसुन'
स्याङ्जा नेपाल
Now: कुवैत

गज़ल

2009-12-26T09:45:00.000-08:00

एक्कोहोरी एक्लो नठान....!

एक्कोहोरी एक्लो नठान नाउँ छ तिम्रो पनि
बेसाहारा छैनौ खिलाफी गाउँ छ तिम्रो पनि|

खिलाफी विदेश भनेको दुई दिन लागि मात्र
काकाकुल नठान आफुले ठाउँ छ तिम्रो पनि|

नेपालमा सुक्को कमाई छैन भाको सकिन्छ
विदेश च्याँखे थापि राख दाउँ छ तिम्रो पनि|

सबैको उस्तै-उस्तै कहानी देख्दा मात्र फरक
कमाई छैन ब्याज नभै साउँ छ तिम्रो पनि|

आमाबाबा चेलीले आसा गर्लान खिलाफीजी
छिमेकीहरु कमाई देखि बाउँ छ तिम्रो पनि|

गर्नु हुन्न केहि कुराको पिर दिन फिर्छ अरे
जोरीहरु जिउजिउ भन्दै धाउँ छ तिम्रो पनि|

मिना बान्तवा "मृदु"
झापा नेपाल
हाल इजरेल

गजल

2009-12-25T02:46:00.000-08:00

मन्दिरमा मेरो नामको‏

मन्दिरमा मेरो नामको धुपबाती बलायौ किन|?
जलेकै थिएँ तिमी नजिक भएर जलायौ किन ?

मान्छे हुँ मपनि त मुटु हो चस्किएर दुख्छ
छलेर अर्को मुनाबाट तिमी फेरी पलायौ किन ?

टुटेफूँटेका सपना जोडेर जीउँने कोशिश गर्दै थिएँ
यो मनको मौन तलाउँमा पसी ढुंगा चलायौ किन?

आस्था संगालेर लघाएको पर्खाल तिमीले नाँघेर
अनयासै भत्काई त्यसलाई तिमीले ढलायौ किन ?

मन्दिरमा मेरो नामको धुपबाती बलायौ किन ?
जलेकै थिएँ तिमी नजिक भएर जलायौ किन ?

गीता थापा (दोषी)
बेलबारी मोरङ
हाल-ईजरायल

गजल

2009-12-24T08:41:00.000-08:00

माया नै त हो नी

तिम्रो मायाले मनको मैलो सडेको छ |
मेरो मुटुमा तिम्रै ढुक्ढुकी जडेको छ |

रोक्न सकिन तिमी प्रतिको चाहालाई
झन झन तिम्रो धेरै माया बडेको छ |

जति पिए पनि उती पिउ पिउ लाग्ने
मुटुमा नशा झै तिम्रो माया चडेको छ |

माया नै त हो नी जिउने आधार मिनु जी
त्यहि मायामा नै यो संसार अडेको छ|

तिम्रो साथले नै यो खिलाफी को अहीले
समाजमा गर्ब साथ शिर ढडेको छ |

खगेन्द्र खिलाफी
पाख्रिबास धनकुटा
हाल दोहा

गज़ल

2009-12-21T11:55:00.000-08:00

मैले पनि खिलाफी जी....!

मैले पनि खिलाफिजी गाली ठानेको होइन|
हजुर जस्ता चौरसिया आए मानेको होइन|

लौ त माया नै ठानुम के भोर राम्रो कुरो
साच्चै नै माया गर्छौ भन्ने जानेको होइन |

सधैको बिना फुर्सदिलो जिबन भएर होला
धेरै बसन्त पार भयो कहीं कानेको होइन |

मत मान्छे चिन्दिन बाता चिता गरे पनि
कस्तो सोझो बाठो कहिले छानेको होइन|

बिचारा त्यसो हैननि खिलाफी मुटु दुख्छ
ढल,अमृतको थाली कहिले तानेको होइन|

मत मृदु हूँ सधै मिठास-मिठास मुलायम
रुखो तुच्छर भनि झटारोले हानेको होइन |

मिना बान्तवा "मृदु"
झापा नेपाल
हाल इजरायल

गजल

2009-12-21T11:27:00.000-08:00

काम तिम्रो

म त एक्लो छु साथीहरुको भिड जाम तिम्रो|
राक्षस रावण हुँ म भगवान राम तिम्रो |

आज काल किन किन याद गर्छु धेरै धेरै
सपनिमा पनि लिन्छु अरे सधैं नाम तिम्रो|

सधैं मरुभुमी बीच काकाकुल बाचे पनि
बैशालु मधुमासको मनोरम याम तिम्रो |

तन्टलापुर घामले थकित बनाइ सक्यो
मायालु गुदुली अनी मदहोसी साम तिम्रो |

साँच्चै अब म त तिम्रै भरोसामा बाचे मिनु
मन मुटु दिए मैले सम्हाल्ने काम तिम्रो|

खगेन्द्र "खिलाफी"
पाख्रिबास धनकुटा
हाल दोहा कतार

गज़ल

2009-12-20T10:17:00.000-08:00

"म पनि पिउँदैछु मित्र"

सबैले पिउँदा हुने के हुन्छ म पनि पिउँदैछु मित्र|
अरु प्यालामा जिउँदा हुने म पनि जिउँदैछु मित्र|

सुरु गरे मैले पनि आजै देखि ठाडो घाँटी लाउँन
पापी व्याधाले हानेर लागेको बाण सीँउँदैछु मित्र|

पिउँन नपाउदा जिउहात काम्ने रोगले छोई सको
कस्लाई थाहा निकोटिनले भित्रबाटै खिंउँदैछु मित्र|

यताउति अल्लो भट्टी पल्लो भट्टी गल्लि चहार्दै
भट्टीको प्याला वर्षाले जाडो छलेन हिउँदैछु मित्र|

सबैले पिउँदा हुने के हुन्छ म पनि पिउँदैछु मित्र|
अरु मधु प्यालामा जिउँदा म पनि जिउँदैछु मित्र|

मिना बान्तवा "मृदु"
काठमाडौँ नेपाल
हाल इजरायल

गजल

2009-12-20T09:25:00.000-08:00

तिम्लाइ माया गर्ने मन फाटेको छैन|
बिस भन्दा माथि छु तीस काटेको छैन |

शङ्का किन गर्छौ बिश्वास गर म माथि
तिमी देखि अरु सग मुटु साटेको छैन|

सत्य बोल्ने युधिष्ठिरको सन्तान हुँ म
छल कपट गरि तिम्लाइ ढाँटेको छैन |

थोरै भए नी जिन्दगीलाई बुझेको छु
आकाशको तारा झार्छु भनि आटेको छैन|

बरु यो खिलाफी भोक भोकै मर्छ तर
कसैले थुकेको थुक पक्कै चाटेको छैन |

खगेन्द्र खिलाफी
दोहा कतार

गजल

2009-12-20T09:03:00.000-08:00

एक आपसका .....!

एक आपसका खिलाप भए।
मित्रता हुन्छ बार्तालाप भए।।

भुल्न सक्छ नदिले माछा,
क्षणीक प्रेमको पिलाप भए।

बिन्ती कोही चुँड्न नखोज,
सजि सकेको गुलाब भए।

तिम्रो त होला खुसी संसार,
दुई मुटुको मिलाप भए।

तर लाग्ला आँशुको श्राप,
दिलकै टुक्रा बिलाप भए।

इन्द्र पुन
कोल-९ गर्खानी
रुकुम, नेपाल

गजल

2009-12-19T10:58:00.000-08:00

आज भोली टाँढिदैछौ‏

आज भोली टाँढिदैछौ,यति छिंटो अघायौं कि|
मेरो माया लत्याँर अन्तै माया लघायौ कि|

तिमीनै तँ एकथ्यौ जस्लाई आफ्नो ठान्थे
मेरो खुशी चुँडेर अन्तै दियो जघायौ कि|

सुनकोशीले सुसाइँ सुसाइँ मलाई चिहाउँछ
कतै मेरो तस्बिर तिम्ले त्यहाँ बगायौं कि|

संसार मैले भूलिदेथे न्याँनो तिम्रो साथ पाई
नबोलेरै टाँर्छौ आज बोली अन्तै सघायौ कि|

हिजो आज टाँढिदैछौ,यति छिंटो अघायौं कि
मेरो माया लत्याँर अन्तै माया लघायौ कि|

गीता थापा (दोषी)
हाल-ईजरायल

गजल

2009-12-19T02:27:00.000-08:00

गोरी भन्थ्यो सबले काली परिएछ
बे सिजन र बेमौसमको बाली परिएछ ।

सप्तरङ्गि फुल तिमी सदावहार हौ भन्थ्यो
तर आज रित्तिएको डाली परिएछ ।

मेरी रानीमेरीजीवन भन्थ्यो भरै के को हुनु
साइनो केलाई टुङगो लाग्दा साली परिएछ ।

दिदी चाहि यो सोझी रे रुपगुण शिलवती
एउटै बाउकी छोरी आफु झयाली परिएछ ।

भरे त दिदीले था पायो की क्याहो कुन्नी
भेना विरुद्ध विपक्षको र्‍याली परिएछ ।

रोजेको दौतरी चै भेना परेपछि हजुर
कस्तो खप्पर…॥ हजुरबुबाको पालि परिएछ ।

गोरी भन्थ्यो सबले काली परिएछ
बेसिजन र बेमौसमको बाली परिएछ ।

रजनी राई "राजु"

गोगने-९ भोजपुर

हालः वि।एड। तेस्रो वर्ष सुकुना क्याम्पस मोरङ

गजल

2009-12-17T09:27:00.000-08:00

नजिकै छु भन्दा भन्दै

नजिकै छु भन्दा भन्दै पर सर्दै छौ कि
सम्बन्धको खोला काटी सागर तर्दै छौ कि ?

प्रेमको त्यो सगरमाथा चढेको छु भन्दै
थाहै नपाइ बेस क्याम भन्दा तल झर्दै छौ कि ?

तिमीलाई नरित्तिने माया दिन्छु भन्दै
किस्ताबन्दी प्रेमको पो हिसाब गर्दै छौ कि ?

जिन्दगीमा तिमीलाई शितल दिन्छु भन्दै
यो मुटुलाई कठंग्रिने शीत छर्दै छौ कि ?

नजिकै छु भन्दा भन्दै पर सर्दै छौ कि
सम्बन्धको खोला काटी सागर तर्दै छौ कि ?

मनु लोहरुङ राई
संखुवासभा नेपाल
हाल: इजरायल

गजल

2009-12-17T04:58:00.000-08:00

"फूल थियो होला...!"

माया गर्नु खै किन-किन तिम्रो भूल थियो होला,
ओइली झर्यो भने ऐले, यौटा फूल थियो होला।

खडेरीमा सुकेको खोल्सा झै तिम्रो दिलको लागि,
मेरो माया प्यास मेट्ने,झर्नाको मूल थियो होला।

अञ्जानमै पर्‍यौ होला तिमी नि जवानीको बेला,
अनी भन्छौ माया गर्नेहरुको, हुल थियो होला।

दौडी रह्यो जीवन पनि गति लिएन कहिल्यै,
प्रेम गर्नुको अर्थ पारी तर्ने, पुल थियो होला।

माया गर्नु खै किन-किन तिम्रो भूल थियो होला,
ओइली झर्यो भने ऐले, यौटा फूल थियो होला।

अर्जुन दुङमेन्
उदयपुर नेपाल
हाल: बगदाद ईराक

गज़ल

2009-12-17T04:46:00.000-08:00

"संकै लाग्छ वाss"

संकै लाग्छ वाssरजनिंशको चेला होकी त?
सानै छौ खिलाफी जिस्किने बेला होकि त?

मन्दिर धाउनु राम्रो हो असिम प्यास बोकी
आखिरमा साथ तिल खानेकै फेला होकी त?

उमेर हुँदामा दोहोरि खेल्दै हिड्नु मृदु संग
बुढ़ेश्कालाँ कुदाउने गाडामा ठेला होकि त?

खगेन्द्रजी मनले सोच्नु सजिलो छ अरेनि!
जीवन होइन खेल, बाक्चल छेला होकि त?

भन्छन सात ओटिको पोई कुना बसी रोई
खिलाफीले कुन दासले पर्ने नेला होकी त?

अन्तिममा त आहा! रमाइलो पेटी गल्लीमा
कुखुराको खुट्टा हातमा दारु पेला होकि त?

मिना बान्तवा "मृदु"
झापा नेपाल
हाल इजरायल

गजल

2009-12-17T04:23:00.000-08:00

तिमी हतार गर्छौ‏,,,,,!

तिमी जानँ हतार गर्छौ थोरै बाँकी रात थियो
माया भरि सुम्सुमाउँने अझैँ बाँकी हात थियो|

चिसाचिसा नयँन छँदै अँधरमा च्याँपी मुस्कान
अन्तिम चोटि सहँनैपर्ने एउटा बाँकी घात थियो|

ओठटोकी लजाउँने पुर्णिमाको जून हेर्न सधैं सधैं
जूनकिरीको मधुरतामा रहरको बाँकी खात थियो|

दुखेर बयँलिएको मुटुमा सबै चिजले चहँर्‍याउँदा
मलम बनाइँ लगाउँन फूलबिनाको बाँकी पात थियो|

धेरै अघिदेखी तिमीलाई भन्छु भनि भन्नै नसकेको
मनमा लुकाँएको सुन्नै पर्ने एउटा बाँकी बात थियो |

गीता थापा (दोषी)
हाल- ईजरायल

गजल

2009-12-16T02:00:00.000-08:00

बस्तीहरु उजाड किन फुलहरु झर्‍यो कि
बसाई सर्दै खुसिहरु पुल तर्‍यो कि ।

अन्यासै चुडयौं किन आज तार हृदयको
कि कतै यो नामले भुल गर्‍यो कि ।

मनको साइनो अमर भन्थेउमनमै मर् यो किन
आज मल्हम दिए भन्थे तर सुल पर्‍यो कि ।

किन त्यसै मुर्झाउदैछन् खुसी फुल्ने बेशिहरु
कि कतै बेइमानिको हुल भर्‍यो कि ।

पहेलिएर पातहरु उदाङगिदैछन् मनको बस्ती
पिरतिलाई सिचाइ गर्न मुल टर्‍यो कि ।

बस्तीहरु उजाड किन फुलहरु झर्‍यो कि
बसाई सर्दै खुसिहरु पुल तर्‍यो कि ।

रजनी राई "राजु"

गोगने-९ भोजपुर

हालः वि.एड. तेस्रो वर्ष सुकुना क्याम्पस, मोरङ

गजल

2009-12-15T09:58:00.000-08:00

जबाफ मिनुलाई

माया गर्छु तिमीलाई मैले ,गाली नठान
साँच्चै सोझो छ यो खिलाफी ,जाली नठान|

मन सग मनको नाता ,बिश्वासले हुन्छ
मायालाई मागी खाने त्यो ,थाली नठान|

आफु भन्दा धेरै माया गर्छु आज काल
तिम्ले मलाई रुखो तुच्छ ,माली नठान|

जिस्काएको कहाँ हो र ,माया गर्छु भन्या
मेरो माया उपहासको ,ताली नठान|

बैगुनी आत्मघाती छैन, खिलाफी मिनु
फोहोर मैलाको ढल र ,नाली नठान|

खगेन्द्र खिलाफी
पाख्रिबास धनकुटा
हाल दोहा कतार

गजल

2009-12-15T08:46:00.000-08:00

ओइलेको फुल हुँ म टिप्न छोडे बेस हुन्छ!

नया बिरुवा पायौ भने त्यसलाई गोड़े हुन्छ!!

कोहीसंग झुटो प्रेम गरेकीछौ तिम्ले भने!
त्यसलाई पनि आजै देखि जिबनबाट तोडेहुन्छ!!

बिचमा आइ बाधा अड़चन थाप्नेहरू!
तिनलाईपनि सिसा सरि फोडे हुन्छ!!

ओइलेको फुलसरी हुँ म टिप्न छोडे बेस हुन्छ!
असल जिबनसाथी पायौ भने त्यतै नाता जोडेहुन्छ!!

ओइलेको फुल हुँ म टिप्न छोडे बेस हुन्छ!
नया बिरुवा पायौ भने त्यसलाई गोड़े हुन्छ!!

डोर बिक्रम बस्नेत
देउराली ५ भोजपुर
हाल, दोहा कतार

गजल

2009-12-14T10:23:00.000-08:00

हेर्न आए

फेरी आजपनि शहर बाट मलाई हेर्न आए।
संधैको त्यही घाउ लिई मनमा पेर्न आए।।

पहिलो चोटी आँउदा हुन्न भनी फर्काई दिएँ
मानब मन पग्लन्छ भनी खुसीले सेर्न आए।

नियाली हेरेँ गहिराई सम्म सबै ठिकै थियो
र त आफ्नाले भन्थे तेरो जिबन फेर्न आए।

गफै गफमा संगी भन्थे चिनेरमात्र बिहे गर्नु
थाहै छैन हाँसो की आँशु जीबनमा केर्न आए।

हाँसी खुसी बिताउँछु भन्थेँ दुई दिने जिन्दगी
उमेर संग दुख पिरले रात दिन घेर्न आए।

ईन्द्र पुन
कोल - ९, गर्खानी
रुकुम नेपाल

गज़ल

2009-12-14T09:36:00.000-08:00

लौ मार्यो है.......!

लौ मार्यो है कुरो घुमाई सेला नपारौ
कत्तारे केटिको थुप्रो थुप्रो ढेला नपारौ |

लाहुरे मायाँको चाउरे पिरती नलाउनुरे
ढाँटी ढाँटी ला छैन भनि रेला नपारौ |

कसरी दुर्बिनले हेरुँ कसरी बिश्वाश गरुं
धुरुधुरु रुनुपर्ला खिलाफी झेला नपारौ |

ब्लग अनि डटकममा जिस्काई नहिड
छेउको सियो माझैमा बुढी हेला नपारौ |

वातलागे खिलाफी पर्ला लिनु जिम्मा
दुनियाले हेर्दा खिसी गर्ने खेला नपारौ |

धाउनु पर्ला खिलाफी पंचायती र वडा
गाउँघर सभा जोरीपारीको मेला नपारौ|

मिना बान्तवा "मृदु"
झापा नेपाल
हाल इजरायल

गजल

2009-12-13T10:46:00.000-08:00

प्रकृतिमा सौन्दर्य थप्ने धर्तीको गहना हो नारी
सुन्दर संसारको परिकल्पना गर्ने लहना हो नारी

हराभरा भै फाँटफाँट र गरागरामा फूल्ने मधुमास
बनी मुर्झाएको फूलमा बसन्त भर्ने चाहाना हो नारी

धर्ती भएर सब सहन्छे नारी कोखमा ममता उम्रार्दै
उजाडिएको बस्तिमा खुशियाली भर्ने बाहाना हो नारी

थाँकेको बटुवालाई चौंतारी भएर छहारी दिने उ
आँफू मझ्धारमै डुबेपनी अरुको सपना हो नारी

बन्द सोकेसभित्र चुपचाप मृत्‍यु कुरेका ति पल
देखौटी मुस्कान र अन्नत मनको बिपना हो नारी

गीता थापा (दोषी)

बेलबारी मोरङ
हाल-ईजरायल

गजल

2009-12-13T09:58:00.000-08:00

मन मन्दिर धाको छैन

चोखो माया प्रेम कसै सग ला को छैन|
अझै मलाई प्रेम प्रस्ताब आ को छैन|

तिमीलाई मैले जीवनको साथी रोजे
तिमि बाट अन्त मन मेरो गा को छैन |

तिमी नै हौ मिना जी बाच्ने आधार मेरो
अरु सग नी बाचा कसम खा को छैन |

भखर जवानी आउदैछ म मा हेर
धरोधर्म अझै मेरो बिहे भा को छैन |

मेटु भन्छु मायाको असिम प्यास सधैं
तर मैले चोखो मन मुटु पा को छैन |

तिमीलाई छाडी यो खिलाफी लुकी लुकी
एक्लै आखिर मन मन्दिर धा को छैन |

खगेन्द्र "खिलाफी"
पाख्रिबास धनकुटा
दोहा कतार

गजल

2009-12-13T03:36:00.000-08:00

हिजै मात्रै जस्तो लाग्छ तर जुगौ काटिएछ
नयाँ मुना पलाएर पुरानो पात छाटिएछ ।

आजभोली गन्दा-गन्दै जन्मेका ती दिनहरु
वालापन र जवानिलाई पौढ सँग साटिएछ ।

अझै के नै वित्या छ र के पो भाँछु र लाग्थ्यो
ऐना हेर्दा आज आफु आफै सँग ढाटिएछ।

जे जस्तै भएनी बाँच्नै पर्ने यो जीन्दगीमा
वालापनका रहरहरु आज वाध्यतामा साटिएछ ।

गगन चुम्बि सपनाहरु पाल्दा-पाल्दै जीन्दगीमा
हिजोका ती कालो कपाल आज सेतै बाटिएछ ।

कोक्रोमा झुल्दा-झुल्दै सपनाहरु बुन्दा-बुन्दै
निन्द्रैमा पो आधा जीवन, आज डुब्नै आटिएछ ।

हिजै मात्रै जस्तो लाग्छ तर जुगौ काटिएछ ।
नयाँ मुना पलाएर पुरानो पात छाटिएछ ।

रजनी राई "राजु"

गोगने-९ भोजपुर

हालः वि.एड.तेस्रो वर्ष सुकुना क्याम्पस, मोरङ

गजल

2009-12-12T11:14:00.000-08:00

मायाको परेली तरेर हजुरले .............l

मायाको परेली तरेर हजुरले
मनैभरी उमंग छरेर हजुरले

टोलाएर हेरे यी मेरा नयेन
बोलाउदा सम्बोधन गरेर हजुरले

फुलको थुंगा पहिलो भेटमा
दिनु भो बेशी झरेर हजुरले

सासैमा कुन्निके भनेझैँ लाग्यो
मलाइ अंगालोमा भरेर हजुरले

आँखामा आँखा जुधाउनुभो अनी
अझ करिव मेरो सरेर हजुरले

-Manoj Kafle "Mansoon"
Shyangjaa ,Nepa
Recent: Kuwait

गजल

2009-12-11T11:55:00.000-08:00

अहीले
अभ्यस्त छु तर्न यहाँ आँशुको बाडी अहिले
स्बर्ग झै मान्नु पर्‍यो मरुभुमी खाडी अहिले|

दिन रातै संघर्स गरे जिउन कै खातिर
झनै घनघोर छिचोल्नु छ झाडी अहिले |

जिबन्त मलाई साथ दिन्छु भन्ने मान्छे तिमी
तर अफ्सोज कहाँ गयौ एक्लै छाडी अहिले |

थाहा छैन कता कता दौडी रहेछ आखिर
गन्तब्य हिन जिन्दगीको थोत्रे गाडी अहिले|

गरीब छ खिलाफी गुन्द्रीमा कटाउछु रात
कहाँ बाट ल्याएर आउ भन राडी अहिले|

खगेन्द्र "खिलाफी"
पाख्रिबास धनकुटा
हाल दोहा कतार

ग़ज़ल

2009-12-11T10:22:00.000-08:00

चाहेर प्रिये एक्लै म पनि हासेको कहाँ छु र
निस्ठुरी आउछौं भनि माया मासेको कहाँ छु र

तिम्रो जस्तै मेरो पनि हालत उस्तै उस्तै यहाँ
छाडी तिमी अर्की योछातिमा टासेको कहाँ छु र

बाल बच्चा आमा आमा भन्दै स्कूल जाने गर्छन
जति रुवाएनी अर्को साइनो गासेको कहाँ छु र

चाडै फर्की आउछु भनि भंथ्यो जादा खेरी तिमी
' कोमल’ मनले पुकार्दा नि खासेको छु कहाँ र

चाहेर प्रिये एक्लै म पनि हासेको कहाँ छु र
निस्ठुरी आउछौ भनि माया मासेको कहाँ छु र

komal waiba Tamang
Bharatpur, chitwan
[यो गजल कसैलाई प्रतिउत्तर दिईएको हो कृपया .....]

गजल

2009-12-10T20:45:00.000-08:00

"अँध्येरीको रातमा ...!"

अँध्येरीको रातमा जुन हौकी तिमी,
कोईलाको खातमा, चुन हौकी तिमी !

भित्र-भित्रै बजी दिन्छ सुर र ताल,
दिलमा सधैं बज्ने, धुन हौकी तिमी !

जिन्दगी नै लाग्छ मोती जडित मेरो,
चम्की दिने गहना, सुन हौकी तिमी !

तिम्रो प्रितीको राप कती मुलायम,
न्यानो अनी नरम, उन हौकी तिमी !

छाम्दा मलाई पाउछु तिमीलाई नै,
नशा-नशा बहने, खुन हौकी तिमी !

अर्जुन दुङ्मेन्,
बगदाद, इराक।

गज़ल

2009-12-10T13:51:00.000-08:00

कुरो सुन्न नोटले

मायाँ बनाउनु गाढा,कुरो हुदैन नोटले त्यसै
पात नझरी पनि महत्व हुदैन बोटले त्यसै

चाहनाले हुन्न जरुर हुनै पर्छ साँचो पिरती
जसैमा काले घामको,राप हुदैन घोटले त्यसै

नलाउनु जोत बगलीमा अर्की च्यापी-च्यापी
बैस लाग्दैमा चुम्ने बाजी हुदैन होटले त्यसै

राम्री मात्र आँखा नलाउनु परिएला फेलामा
मृदुले छाप मात्र लाग्ला हुदैन चोटले त्यसै

जल्ने नगरुं,खिलाफीजी जलाउदीन यहाँलाई
घरकीले नि,गर्लिन हेलाँ हुदैन खोटले त्यसै

मिना बान्तवा "मृदु"

गजल

2009-12-10T13:00:00.000-08:00

तिमीलाई बिर्सिएर एक्लै कहिंले हाँस्न सकिनँ
निष्ठुरी भै,जरैकाटी तिम्रो माया मास्न सकिनँ|

ओल्टेँ फेरौँ तिमी देख्छु,कोल्टेँ फेरौँ मात्र तिमी
तिमीभूली पराइँलाई यो छातीमा टाँस्न सकिनँ|

चोटमाथि चोटै दियौ त्यसलाई जतनले राखिरहेँ
जालीमाया भएपनी अर्को साईनो गाँस्न सकिनँ |

छँरिएका सपना बटुलेर बाँधिरहे मनैबाँध्ने तारले
बिझाउँने माया मुटुबाटै अंल्गपारी छास्न सकिनँ|

तिमीलाई बिर्सिएर एक्लै कहिंले हाँस्न सकिनँ
निष्ठुरी भै,जरैकाटी तिम्रो माया मास्न सकिनँ|

गीता थापा (दोषी)
बेलबारी मोरङ
हाल-ईजरायल

गजल

2009-12-08T11:08:00.000-08:00

दर्द चोट तिम्रो......!

चान्चुने माया मेरो अमुल्य नोट तिम्रो
म त जाबो झरेको पात हुँ बोट तिम्रो |

छैन अहीले अरु केही चाह मलाई
चुम्ने रहर छ लालु पाते ओठ तिम्रो |

साँच्चै अप्सरा जस्ती राम्ररी छौ तिमी
धरोधर्म छैन केही पनि खोट तिम्रो |

बरु जिउदै जलाई देउ त्यो सहन्छु
तर म सहन सक्तिन बिछोट तिम्रो |

तिमी सगै बाच्ने खिलाफी ले निधो गर्‍यो
सोच्न पनि सक्तिन म दर्द चोट तिम्रो|

खगेन्द्र खिलाफी
पाख्रिबास धनकुटा
दोहा कतार

गजल

2009-12-07T11:11:00.000-08:00

थलौ भरे पछि

साहनुभुती किन गर्छौ जग्घार परे पछि |
सहयोग किन एक्लै काम फत्ते गरे पछि |

धेरै स्वार्थी छौ तिमी उसै गरि बैगुनी पनि
सम्झिन्छौ मलाई नै केही समस्य परे पछि|

जिउदो हुँदा केही चासो र सरोकार छैन
बिचरा भन्छौ अनी कठैबरा रे मरे पछि |

देखावटी दया माया करुणा किन मलाई
मरो सारा हासी खुशी जिबन नै हरे पछि |

आखिर लुट्नु सम्म लुटी बल्ल बल्ल अहीले
खिलाफी याद किन आफ्नो थलौ भरे पछि|

खगेन्द्र खिलाफी राइ
पाख्रिबास धनकुटा
हाल दोहा ,कतार

गज़ल

2009-12-07T10:41:00.000-08:00

थोरै भूली दिए हुन्छ प्रिय

तिमीले मलाई थोरै भूली दिए हुन्छ प्रिय
जीन्दगी जिउँनलाई थोरै पिए हुन्छ प्रिय |

तिम्रो मन सियो धागोले नै बनेको रहेछ
आफ्नो मन आफैले थोरै सिए हुन्छ प्रिय |

स्वतन्त्र दिन्छु तिमीलाई जान र आउँन
सम्झिन्दै र बिर्सिंदै नाम लिए हुन्छ प्रिय |

सधैंको लागि बैना प्रियसी सम्झ मलाई
मेरो निम्ती मर्दै बाच्दै जिए हुन्छ प्रिय |

गाह्रो भो कसरी विश्वास दिलाउँ तिमीलाई
अंधा विश्वासमा नै तिमी खिए हुन्छ प्रिय |

मिना बान्तवा "मृदु"
बिर्तामोड झापा
हाल: तिबेरिया इजरायल

गज़ल

2009-12-07T10:08:00.000-08:00

सास फेर्न...

पिरती त मैले पनि लाएकै हो तिमीसंग
सयौ हण्डर ठक्कर पाएकै हो तिमीसंग |

धाउनु धाए पधेरा र तिमि हिड्ने बाटो
पिरतीको मिठो भाका गाएकै हो तिमीसंग|

भन्छौरे सास फेर्न गाह्रो भयो मैले गर्दा आज
निश्चल मनले मन्दिर धाएकै हो तिमीसंग|

लुकिमारी खेल्छौ धेरै हिजोआज तिमि किन!
चौतारीमा बाचाकसम खाएकै हो तिमीसंग |

पिरती त मैले पनि लाएकै हो तिमीसंग
सयौ हण्डर ठक्कर पाएकै हो तिमीसंग|

कोमल वाईबा तामाङ
mongoliankomal@yahoo.com
भरतपुर,चितवन

[यो पानामा समेटिएको कुनै गजलको सवाल जवाफ मात्र ल !............]

गजल

2009-12-05T10:16:00.000-08:00

सास फेर्न......!

सास फेर्न गार्ह्यो भयो भेट्न आउँ भन्दापनी
कित मलाई आजैँबाट भूली जाउँ भन्दापनी

सुनेरनि रतिभर वास्ता कति छैन तिमीलाई
पिरती यो झूँट सम्झी कसम खाउँ भान्दापनी

निर्दोषछौ भनौ भने अध्याँरोमा साथ छाड्यौ
निश्चल मानि मन मन्दिरमा लाउँ भन्दापनी

नत केहीँ आनाकाँनी नत ओठखोली बोल्छौ
सस्तो ठानी तिम्रो माया गरौँ भाउँ भन्दापनी

गीता थापा (दोषी)
बेलबारी मोरङ
हाल-ईजरायल

गजल

2009-12-04T04:04:00.000-08:00

नदेखेको धेरै भयो भयौ तिमी कस्ती |
देखेथे सपनीमा लाग्यो अप्सरा जस्ती |

मरुभुमी बीच मुश्किलले बाचेको छु
छैन कुनै हासो खुशी छैन कुनै मस्ती|

बुठा सुब्बामा सगै बाच्ने कसम खा को
मलाई लाग्छ त्यो दिन हिजो हो की अस्ती|

सम्झिन्छु पल पल तिमी सगै डुलेको
त्यो सुन्दर ठाउँ मेरो देश गाउ बस्ती |

कति बेला दिल चोरी लगै थाहै छैन
मायाको तिमी रै छै समी महान हस्ती |

खगेन्द्र "खिलाफी"
पाख्रिबास ,धनकुटा

गजल

2009-12-01T12:23:00.000-08:00

बिहेको कुरा चलाइ दिनु

अरुको नासो चिनो सबै जलाई दिनु
चोखो मन मुटु मिना जी मलाई दिनु

माग्दिन सुमेरु पर्बत हजुरलाई
अन्धाकारमा मनको दियो बलाइ दिनु

हजुरलाई नै मैले लामी माने मेरो
केटी खोजी बिहेको कुरा चलाइ दिनु

कति बाचु काकाकुल मरुभुमी बीच
मधुमास झै जिन्दगीमा पलाई दिनु

यदी खिलाफी देखि झोक चल्यो भने
खुकुरीले छप्काएर ढलाइ दिनु

खगेन्द्र "खिलाफी"
पाख्रिबास धनकुटा

गजल

2009-11-30T03:43:00.000-08:00

साथी हुन्छ

सबै भन्दा माथी हुन्छ।
जो सच्चा साथी हुन्छ।।

परेर आए बिपत्ती कतै,
पहिले थाप्ने छाती हुन्छ।

साहस दिई पिर माग्दा,
हरेक पिंडा जाती हुन्छ।

सुखमा आई दुखमा लुके,
त्यो बिस्वासघाती हुन्छ।

दियालो बाली बाटो देखाउने,
साँचो मित्र त राती हुन्छ।।

ईन्द्र पुन "इन्द्रेणी"
रुकुम नेपाल